Janakeeya Hotels: ഊണ് @ 20, ജനകീയ ഹോട്ടലുകൾ വീണ്ടും സജീവമാകുന്നു - ചിത്രങ്ങൾ

പണമില്ലാത്തത് കാരണം വിശപ്പടക്കാൻ പ്രയാസപ്പെടുന്ന മനുഷ്യർക്ക് കൈത്താങ്ങായാണ് സംസ്ഥാനത്ത് ജനകീയ ഹോട്ടലുകൾ (Janakeeya Hotel) തുടങ്ങിയത്. വിശപ്പുരഹിത കേരളം എന്ന സർക്കാരി‍ന്റെ (Government) പ്രഖ്യാപിത ലക്ഷ്യത്തിന്റെ ഭാ​ഗമായാണ് ജനകീയ ഹോട്ടലുകൾ ആരംഭിച്ചത്. മികച്ച രീതിയിലാണ് ഹോട്ടലുകളുടെ പ്രവർത്തനം മുന്നോട്ട് പോകുന്നത്. നിലവിൽ 4885 കുടുംബശ്രീ (Kudumbasree) അംഗങ്ങളാണ് ഈ പദ്ധതിയുടെ ഭാഗമായി പ്രവർത്തിക്കുന്നത്. കേരളത്തിലെ ബഹുഭൂരിപക്ഷം തദ്ദേശ സ്വയംഭരണ സ്ഥാപനങ്ങളിലും ഇന്ന് ജനകീയ ഹോട്ടലുകളുണ്ട്. 1095 ജനകീയ ഹോട്ടലുകളാണ് നിലവിൽ സംസ്ഥാനത്തുള്ളത്. 20 രൂപയ്ക്ക് നൽകുന്ന ഉച്ചഭക്ഷണം പണമില്ലാതെ വരുന്നവർക്ക് സൗജന്യമായി നൽകുകയും ചെയ്യുന്നു.