ഓഗസ്റ്റ് 26, തിങ്കളാഴ്ച ജന്മാഷ്ടമിയാണ്. ഈ ദിവസം കൃഷ്ണന്റെ ബാലകരൂപത്തിലുള്ള വിഗ്രഹത്തെയാണ് ആരാധിക്കുന്നത്. ശ്രീകൃഷ്ണന്റെ ജന്മദിനമാണ് ജന്മാഷ്ടമി ആഘോഷിക്കുന്നത്.
ഭാദ്രപദ മാസത്തിലെ കൃഷ്ണപക്ഷത്തിലെ അഷ്ടമി തിഥിയിൽ അർദ്ധരാത്രി രോഹിണി നക്ഷത്രത്തിലാണ് ശ്രീകൃഷ്ണന്റെ ജനനം. ഈ ആഘോഷത്തിനായുള്ള ഒരുക്കത്തിലാണ് വിശ്വാസികൾ.
ജന്മാഷ്ടമി നാളിൽ ശ്രീകൃഷ്ണനെ പൂജിക്കുമ്പോൾ ചില വസ്തുക്കൾ ഭഗവാന് സമർപ്പിക്കുമ്പോൾ ജീവിതത്തിൽ ഐശ്വര്യം ഉണ്ടാകുന്നുവെന്നാണ് വിശ്വാസം.
ഓടക്കുഴൽ - കൃഷ്ണന് ഓടക്കുഴൽ വളരെ പ്രിയപ്പെട്ടതാണ്. ജന്മാഷ്ടമിയിൽ ഭഗവാന് പുല്ലാങ്കുഴൽ സമർപ്പിക്കുന്നതിലൂടെ വീട്ടിൽ വഴക്കുകൾ ഉണ്ടാകില്ലെന്നാണ് വിശ്വാസം.
മയിൽപ്പീലി - പൂജാസ്ഥലത്ത് മയിൽപ്പീലി വയ്ക്കുന്നത് ഐശ്വര്യം നൽകും. വീട്ടിൽ സമ്പത്ത് വർധിക്കുകയും സമാധാനാന്തരീക്ഷമുണ്ടാകുകയും ചെയ്യും.
പശുവും കാളക്കുട്ടിയും - ജന്മാഷ്ടമി നാളിൽ പശുവും പശുക്കിടാവുമുള്ള പ്രതിമയും വാങ്ങുന്നത് ഉത്തമമാണ്. ഇത് പൂജാമുറുയിൽ സൂക്ഷിക്കുന്നത് കുട്ടികൾക്ക് ഐശ്വര്യമുണ്ടാകും.
പൂജാവേളയിൽ മധുരപലഹാരങ്ങളും പഴങ്ങളുമൊക്കെ സമർപ്പിക്കുന്നത് നല്ലതാണ്.
