ആരോഗ്യകരമായ രീതിയിൽ ശരീരഭാരം കുറയ്ക്കാൻ സഹായിക്കുന്ന ഭക്ഷണങ്ങളും പാനീയങ്ങളും ഏതെല്ലാമാണെന്ന് അറിയാം.
ശരീരത്തിലെ അധിക കൊഴുപ്പ് കുറയ്ക്കാനും ശരീരഭാരം കുറയ്ക്കാനും വ്യായാമത്തിനൊപ്പം കൃത്യമായ ഭക്ഷണക്രമവും പിന്തുടരേണ്ടത് പ്രധാനമാണ്.
പഞ്ചസാര ഉപേക്ഷിക്കുന്നത് ശരീരഭാരം കുറയ്ക്കാൻ സഹായിക്കും. പഞ്ചസാര കഴിക്കുന്നത് അമിതവണ്ണം, പ്രമേഹം എന്നിവയിലേക്ക് നയിക്കും. തേൻ, ഉണക്കമുന്തിരി, ശർക്കര എന്നിവ പഞ്ചസാരയ്ക്ക് ബദലായി ഉപയോഗിക്കാം.
നാരങ്ങ വിറ്റാമിൻ സിയുടെ മികച്ച ഉറവിടമാണ്. ചെറുചൂടുള്ള നാരങ്ങ വെള്ളത്തിൽ പ്രകൃതിദത്ത തേൻ ചേർത്ത് കഴിക്കുന്നത് കൊഴുപ്പ് കത്തിച്ചുകളയാനും ദഹനം മികച്ചതാക്കാനും സഹായിക്കും. ഇത് ശരീരത്തിലെ വിഷാംശം ഇല്ലാതാക്കാനും സഹായിക്കും.
ആൻറി ഓക്സിഡൻറുകളാൽ സമ്പന്നമാണ് ഹെർബൽ ചായകൾ. ലെമൺ ടീ, പെപ്പർമിൻറ് ടീ, ഗ്രീൻ ടീ തുടങ്ങിയവ വിറ്റാമിനുകളാലും ധാതുക്കളാലും സമ്പന്നമാണ്. ഇത് വിശപ്പ് കുറയ്ക്കുകയും ശരീരത്തിലെ കൊഴുപ്പ് കുറയ്ക്കാൻ സഹായിക്കുകയും ചെയ്യുന്നു.
ഭക്ഷണത്തിൽ നാരുകൾ ഉൾപ്പെടുത്തുന്നത് ദഹനം മികച്ചതാക്കുകയും വിശപ്പ് കുറയ്ക്കുകയും ചെയ്യും. ഇത് ശരീരഭാരം കുറയ്ക്കാൻ സഹായിക്കും. പേരക്ക, പച്ചക്കറികൾ, ബീറ്റ്റൂട്ട് തുടങ്ങിയവ നാരുകൾ ധാരാളമായി അടങ്ങിയ ഭക്ഷണങ്ങളാണ്. (Disclaimer: ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.)
