12 രാശികളെ കുറിച്ചാണ് ജ്യോതിഷത്തിൽ പറയുന്നത്. ഓരോ രാശികൾക്കും അവയുടേതായ പ്രത്യേകതയും സവിശേഷതയും ഉണ്ട്. വിവിധ ഗ്രഹങ്ങളുടെ ചലനം മാറുന്നതും ഈ രാശികളെ അനുകൂലമായും പ്രതികൂലമായും ഒക്കെ ബാധിക്കാറുണ്ട്. ഈ രാശികൾ നോക്കിയാണ് ഓരോ വ്യക്തിയെ കുറിച്ചുമുള്ള കാര്യങ്ങൾ പ്രവചിക്കുന്നത്. ഓരോ ദൈവങ്ങൾക്കും ഇഷ്ടമുള്ള രാശികൾ ഇക്കൂട്ടത്തിലുണ്ട്.
അത്തരത്തിൽ ശിവനും ശനിദേവനും പ്രിയപ്പെട്ട രണ്ട് രാശിക്കാരാണ് മകരം, കുംഭം എന്നിവ. ശിവന്റെയും ശനിയുടെയും പ്രിയപ്പെട്ട രാശികാളായതു കൊണ്ട് തന്നെ ഈ രാശിക്കാർക്ക് പ്രത്യേക നേട്ടങ്ങൾ ജീവിതത്തിലുണ്ടാകും.
മകരം: ശനിയാണ് മകരം രാശിയുടെ അധിപൻ. മകരം രാശിക്കാർക്ക് ശിവന്റെയും ശനിയുടെയും പ്രത്യേക അനുഗ്രഹം ലഭിക്കും. ഈ രാശിക്കാർ ദിവസവും ശിവനെ ആരാധിക്കുന്നത് ജീവിതത്തിൽ നേട്ടങ്ങൾ സ്വന്തമാക്കാൻ സഹായിക്കും. ഓം നമഃ ശിവായ മന്ത്രം ജപിക്കുന്നത് നല്ലതാണ്.
കുംഭം: കുംഭം രാശിക്കാരുടെയും അധിപൻ ശനിയാണ്. ഈ രാശിക്കാർക്കും ശനിയുടെയും ശിവന്റെ അനുഗ്രഹം എപ്പോഴുമുണ്ടാകും. കുംഭം രാശിക്കാർ ശിവലിംഗത്തിൽ ജലധാര നടത്തണം. തങ്ങളുടെ കഴിവിന് അനുസരിച്ച് ദാനം ചെയ്യുന്നതും ഉത്തമമാണ്. ഇത് പലവിധ ഫലങ്ങൾ നൽകുന്നു.
(Disclaimer: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളെയും വിവരങ്ങളെയും അടിസ്ഥാനമാക്കിയുള്ളതാണ്)
