ലുലു ഫാഷന്‍ വീക്കില്‍ അന്താരാഷ്ര ബ്രാന്‍ഡുകളുടെ അടക്കം സ്പ്രിംഗ് - സമ്മര്‍ കളക്ഷനുകളാണ് അവതരിപ്പിച്ചത്
തലസ്ഥാനത്തെ ഫാഷന്‍ പൂരം ലുലു ഫാഷന്‍ വീക്ക് രണ്ടാം സീസണ്‍ സമാപിച്ചു.
രാജ്യത്തെ പ്രമുഖ മോഡലുകൾ റാംപിലെത്തി.
അഞ്ച് ദിവസത്തെ ഫാഷന്‍ വീക്കില്‍ അന്താരാഷ്ര ബ്രാന്‍ഡുകളുടെ അടക്കം സ്പ്രിംഗ് - സമ്മര്‍ കളക്ഷനുകളാണ് അവതരിപ്പിച്ചത്.
ലുലു ഗ്രൂപ്പ് റീജിയണല്‍ ഡയറക്ടര്‍ ജോയ് സദാനന്ദൻ അതിഥി രവിയ്ക്ക് സ്റ്റൈല്‍ ഐക്കണ്‍ പുരസ്കാരം സമ്മാനിച്ചു.
കര്‍ണാടക സ്വദേശിയും മോഡലും സിനിമാ താരവുമായ പ്രതീക് ജെയിനിന് ലുലു ഗ്രൂപ്പ് റീജിയണല്‍ മാനേജര്‍ അനൂപ് വര്‍ഗീസാണ് പുരസ്കാരം സമ്മാനിച്ചത്.
സമാപന ദിവസം സിനിമാ താരങ്ങൾക്ക് പുറമെ ബ്യൂട്ടി പാജന്‍റ് ജേതാക്കളും റാംപിലെത്തി
ചടങ്ങില്‍ ഷോ ഡയറക്ടറായ ഷാഖിര്‍ ഷെയ്ഖിനെ ഫാഷന്‍ രംഗത്തെ രണ്ട് പതിറ്റാണ്ടിലധികമായി നല്‍കിവരുന്ന സംഭാവനകള്‍ മുന്‍നിര്‍ത്തി ആദരിച്ചു.
ലുലു ഫാഷന്‍ സ്റ്റൈല്‍ ഐക്കണുകളായി സിനിമ താരങ്ങളായ അതിഥി രവിയും പ്രതീക് ജെയിനും തിരഞ്ഞെടുക്കപ്പെട്ടു.
മിസ് സുപ്രാനാഷണല്‍ ഏഷ്യ റിതിക കട്നാനി, 2020ലെ ഫെമിന മിസ് ഇന്ത്യ യുപി മന്യ സിംഗ്, 2014ലെ മിസ്റ്റര്‍ ഇന്ത്യ വേള്‍ഡ് ടൈറ്റില്‍ നേടിയ പ്രതീക് ജെയിന്‍ എന്നിവര്‍ ഒരുമിച്ച് റാംപില്‍ ചുവടുവെച്ചു.
സമാപന ദിവസം സിനിമാ താരങ്ങൾക്ക് പുറമെ ബ്യൂട്ടി പാജന്‍റ് ജേതാക്കളും റാംപിലെത്തി.
ലുയി ഫിലിപ്പ്, ക്രൊയ്ഡണ്‍ യു.കെ, സിന്‍ ഡെനിം അടക്കമുള്ള ബ്രാന്‍ഡുകളുമായി സഹകരിച്ച് പെപ്പെ ജീന്‍സ് ലണ്ടനാണ് ഈ വര്‍ഷത്തെ ലുലു ഫാഷന്‍ വീക്ക് അവതരിപ്പിച്ചത്.
വ്യത്യസ്ത വിഭാഗങ്ങളിലായി മികച്ച പ്രകടനം കാഴ്ചവെച്ച ജനപ്രിയ ബ്രാന്‍ഡുകള്‍ക്ക് ഫാഷന്‍ അവാര്‍ഡുകള്‍ സമ്മാനിച്ചു.
