മൂന്ന് പതിറ്റാണ്ടോളമായി മലയാളികളുടെ പ്രിയങ്കരിയാണ് മഞ്ജു വാര്യർ. പ്രായം കൂടുംതോറും മഞ്ജു കൂടുതൽ ചെറുപ്പമാകുന്നുണ്ടെന്നാണ് പുറത്തുവരുന്ന ഓരോ ചിത്രങ്ങളും വ്യക്തമാക്കുന്നത്.
Manju Warrier latest photos: ലേഡീ സൂപ്പർ സ്റ്റാർ എന്നാണ് ആരാധകർ മഞ്ജുവിനെ വിശേഷിപ്പിക്കുന്നത്. നീണ്ട ഇടവേളയ്ക്ക് ശേഷം വെള്ളിത്തിരയിലേയ്ക്ക് തിരിച്ചുവന്നപ്പോൾ ഏറെ വ്യത്യസ്തയായ മഞ്ജുവിനെയാണ് മലയാളികൾക്ക് ലഭിച്ചത്.
1999ന് ശേഷം സിനിമയിൽ നിന്ന് വിട്ടു നിന്ന മഞ്ജു 2014ലാണ് സിനിമയിലേയ്ക്ക് തിരികെ എത്തിയത്.
ഹൗ ഓൾഡ് ആർ യൂ എന്ന ചിത്രത്തിലൂടെയാണ് മഞ്ജു ശക്തമായ തിരിച്ചുവരവ് നടത്തിയത്.
'ഈ പുഴയും കടന്ന്' എന്ന ചിത്രത്തിലെ അഭിനയത്തിന് മികച്ച അഭിനേത്രിക്കുള്ള സംസ്ഥാന അവാർഡും 'കണ്ണെഴുതി പൊട്ടും തൊട്ട്' എന്ന ചിത്രത്തിലെ അഭിനയത്തിന് ദേശീയ ജൂറിയുടെ പ്രത്യേക പരാമർശവും സ്വന്തമാക്കിയ താരമാണ് മഞ്ജു വാര്യർ.
രണ്ട് വർഷം തുടർച്ചയായി കേരള സംസ്ഥാന സ്കൂൾ യുവജനോത്സവത്തിൽ കലാതിലകമായിരുന്നു.
മഹേഷ് വെട്ടിയാർ സംവിധാനം ചെയ്ത ‘വെള്ളരിപ്പട്ടണം’എന്ന ചിത്രമാണ് അവസാനമായി മഞ്ജു വാര്യരുടേതായി പുറത്തിറങ്ങിയ സിനിമ
സിനിമയിലെ പോലെ തന്നെ സോഷ്യൽ മീഡിയയിലും മഞ്ജുവിന് വലിയ ആരാധക പിന്തുണയുണ്ട്.
കുഞ്ചാക്കോ ബോബനും പിഷാരടിയ്ക്കുമൊപ്പം ലണ്ടനിലെ ലാവൻഡ‍ർ തോട്ടത്തിൽ നിൽക്കുന്ന മഞ്ജുവിന്റെ ചിത്രങ്ങളാണ് സോഷ്യൽ മീഡിയയിൽ വൈറലായിരിക്കുന്നത്.
