Malaikottai Vaaliban Movie : മോഹൻലാലും ലിജോ ജോസ് പെല്ലിശ്ശേരിയും ആദ്യമായി ഒന്നിക്കുന്ന ചിത്രമാണ് മലൈക്കോട്ടൈ വാലിബൻ.
ഏറെ അഭ്യുഹങ്ങൾക്ക് ശേഷമാണ് മലൈക്കോട്ടൈ വാലിബന്റെ പ്രഖ്യാപനമുണ്ടായിരിക്കുന്നത്. മോഹൻലാലിന്റെ അടുത്തിടെ ഇറങ്ങിയ സിനിമകൾ ബോക്സ് ഓഫീസിൽ കൂപ്പുകുത്തിയപ്പോൾ ആകെ ലഭിച്ച പ്രതീക്ഷയാണ് മലൈക്കോട്ടൈ വാലിബൻ.
ജോൺ ആൻഡ് മേരി ക്രിയേറ്റിവ്, സെഞ്ചുറി ഫിലിംസ് മാക്സ് ലാബ് എന്നീ ബാനറുകളിൽ മുൻ എംഎൽഎ ഷിബു ബേബി ജോൺ ആണ് ചിത്രം നിർമിക്കുന്നത്.
രാജസ്ഥാനിൽ വെച്ചാണ് മലൈക്കോട്ടൈ വാലിബന്റെ ചിത്രീകരണം. ചിത്രത്തിൽ ഹാരിഷ് പേരടി പ്രധാന വേഷം കൈകാര്യം ചെയ്യുന്നുണ്ട്.
സംവിധായകൻ ടിനു പാപ്പച്ചനാണ് ചിത്രത്തിൽ ലിജോയുടെ സഹസംവിധായകൻ.
മമ്മൂട്ടിയെ വെച്ച് ഒരുക്കിയ നൻപകൽ നേരത്ത് മയക്കം എന്ന സിനിമയ്ക്ക് ശേഷം ലിജോ ജോസ് സംവിധാനം ചെയ്യുന്ന ചിത്രമാണ് മലൈക്കോട്ടെ വാലിബൻ
