വളരെ ചുരുങ്ങിയ കാലം കൊണ്ട് പ്രേക്ഷകരുടെ മനം കവർന്ന നടിയാണ് നമിത പ്രമോദ്. ടെലിവിഷൻ ബാല താരമായാണ് നമിത അഭിനയ രംഗത്ത് അരങ്ങേറ്റം കുറിക്കുന്നത്
Namitha pramod latest photos: വേളാങ്കണ്ണി മാതാവ് എന്ന സീരിയലിൽ മാതാവിന്റെ വേഷം ചെയ്താണ് അഭിനയത്തിലേക്ക് അരങ്ങേറ്റം കുറിച്ചത്. തുടർന്ന് അമ്മേ ദേവി, എന്റെ മാനസ പുത്രി എന്നീ സീരിയലുകളിലും നമിത ശ്രദ്ധേയമായ വേഷങ്ങൾ ചെയ്തു.
ലണ്ടനിൽ നിന്നുള്ള നമിതയുടെ ചിത്രങ്ങൾ സോഷ്യൽ മീഡിയയിൽ വൈറലാവുകയാണ്. സൂപ്പർ ലുക്കിലാണ് താരം ചിത്രങ്ങളിൽ നിറഞ്ഞു നിൽക്കുന്നത്.
നടയുടെ സഹോദരി അകിത ലണ്ടനിലാണ് പഠിക്കുന്നത്. സഹോദരിയെ കാണാൻ നമിത പോയപ്പോൾ എടുത്ത ചിത്രങ്ങളാണ് ഇവയെല്ലാം.
രാജേഷ് പിള്ള സംവിധാനം ചെയ്ത ട്രാഫിക് എന്ന ചിത്രത്തിലൂടെയാണ് സിനിമയിൽ അരങ്ങേറ്റം കുറിക്കുന്നത്. റിയ എന്ന കഥാപാത്രമായാണ് ചിത്രത്തിൽ നമിത എത്തിയത്.
ആദ്യമായി നായികാ വേഷം ലഭിച്ചത് സത്യൻ അന്തിക്കാട് സംവിധാനം ചെയ്ത പുതിയ തീരങ്ങൾ എന്ന ചിത്രത്തിലാണ്. നിവിൻ പോളിയായിരുന്നു ചിത്രത്തിൽ നായകനായി എത്തിയത്.
അഭിനയത്തിനൊപ്പം ബിസിനസ്സിലും നമിത ഇപ്പോൾ സജീവമാണ്. അടുത്തിടെയാണ് താരം കൊച്ചിയിൽ സമ്മർ കഫെ എന്നപേരിൽ ഒരു റെസ്റ്റോറന്റ് ആരംഭിച്ചത്.
