ദക്ഷിണേന്ത്യയിലെ നാല് സിനിമാ രംഗത്തെ പ്രതിഭകള്‍ക്ക് പുരസ്കാരം നൽകുന്ന വേദിയാണ് സൈമ അവാർഡ്സ്. 2022ലെ മികച്ച മലയാള ചിത്രം, ചലച്ചിത്ര പ്രവര്‍ത്തകര്‍ക്കുമുള്ള അവാര്‍ഡ് വിതരണം ചെയ്തു.
ടൊവിനോ തോമസ് ആണ് മികച്ച നടൻ. തല്ലുമാല എന്ന ചിത്രത്തിലെ അഭിനയത്തിനാണ് താരത്തിന് അവാർഡ് ലഭിച്ചത്. ബേസിലാണ് ടൊവിനോയ്ക്കായി പുരസ്കാരം ഏറ്റുവാങ്ങിയത്.
ബ്രോ ഡാഡിയിലെ അഭിനയത്തിന് കല്യാണി പ്രിയദർശൻ മികച്ച നടിക്കുള്ള പുരസ്കാരം ഏറ്റുവാങ്ങി.
കുഞ്ചാക്കോ ബോബനാണ് മികച്ച നടനുള്ള ക്രിടിക്സ് അവാര്‍ഡ് നേടിയത്. ചിത്രം ന്നാ താന്‍ കേസ് കൊട്.
ജയ ജയ ജയ ജയ ഹേ എന്ന ചിത്രത്തിലെ അഭിനയത്തിന് ദർശന രാജേന്ദ്രൻ മികച്ച നടിക്കുള്ള ക്രിടിക്സ് അവാര്‍ഡ് സ്വന്തമാക്കി.
സന്തോഷ് കുരുവിളയ്ക്കും കുഞ്ചാക്കോ ബോബനുമാണ് മികച്ച നിര്‍മ്മാതാവിനുള്ള പുരസ്താരം ലഭിച്ചത്. ചിത്രം 'ന്നാ താന്‍ കേസ് കൊട്'.
മികച്ച പുതുമുഖ നിര്‍മ്മാതാവ് പുരസ്കാരം ഉണ്ണി മുകുന്ദന്‍ ഫിലിംസിന് ലഭിച്ചു. മേപ്പടിയാൻ എന്ന ചിത്രത്തിനാണ് അവാർഡ്.
മികച്ച നെഗറ്റീവ് ഷെയ്ഡ‍് കഥാപാത്രം - വിനീത് ശ്രീനിവാസൻ. ചിത്രം - മുകുന്ദന്‍ ഉണ്ണി അസോസിയേറ്റ്സ്. ഹൃദയം എന്ന ചിത്രത്തിലൂടെ മികച്ച സംവിധായകനുള്ള പുരസ്കാരവും വിനീത് ശ്രീനിവാസൻ നേടി.
മികച്ച കൊമേഡിയന്‍ രാജേഷ് മാധവ്. ചിത്രം 'ന്നാ താന്‍ കേസ് കൊട്'. 'ന്നാ താന്‍ കേസ് കൊട്' എന്ന ചിത്രത്തിലെ അഭിനയത്തിന് ഗായത്രി ശങ്കര്‍ മികച്ച പുതുമുഖ നടിയായി. മികച്ച പുതുമുഖ നടൻ രഞ്ജിത്ത് സജീവ്. ചിത്രം - മൈക്ക്
ബിന്ദുപണിക്കര്‍ മികച്ച സഹനടി. ചിത്രം റോഷാക്ക്. ലാൽ മികച്ച സഹനടനുള്ള പുരസ്കാരം നേടി. ജയ ജയ ജയ ഹേ എന്ന ചിത്രത്തിലെ അഭിനയത്തിന് ബേസില്‍ ജോസഫ് പ്രത്യേക ജൂറി പുരസ്കാരം നേടി.
ഹിഷാം അബ്ദുൾ വഹാബ് ആണ് മികച്ച സംഗീത സംവിധായകന്‍, ചിത്രം ഹൃദയം. മൃദുല വാര്യർ - മികച്ച ഗായിക. ചിത്രം - പത്തൊന്‍പതാം നൂറ്റാണ്ട്. ജോബ് കുര്യനാണ് മികച്ച ഗായകന്‍.
