ഗ്രൂപ്പ് എയിൽ രണ്ടാം സ്ഥാനം നേടിയാണ് വെയിൽസ് പ്രീ-ക്വാർട്ടറിൽ പ്രവേശിക്കുന്നത്. ഗ്രൂപ്പ് ബിയിലെ രണ്ടാം സ്ഥാനക്കാരായ ഡൻമാർക്കാണ് എതിരാളി. ജൂൺ 26ന് രാത്രി 9.30നാണ് മത്സരം
ഗ്രൂപ്പ് എയിൽ എല്ലാ മത്സരം ജയിച്ചാണ് ഇറ്റലി പ്രീ-ക്വാർട്ടറിലെത്തുന്നത്. ഗ്രൂപ്പ് സിയിലെ രണ്ടാം സ്ഥാനക്കാരായ ഓസ്ട്രിയാണ് എതിരാളി. ജൂൺ 27ന് വെളുപ്പിനെ 12.30നാണ് മത്സരം.
ഗ്രൂപ്പ് സിയിൽ അപരാജിതരായി എത്തുന്ന നെതർലാൻഡ്സ് ഗ്രൂപ്പ് ഡിയിവെ മൂന്നാം സ്ഥാനക്കാരായ ചെക്ക് റിപ്പബ്ലിക്കിനെ നേരിടും. ജൂൺ 27ന് വെളുപ്പിനെ 9.30നാണ് മത്സരം.
ഫിഫാ ഒന്നാം റാങ്കുകാരായ ബെൽജിയം പ്രീക്വാർട്ടിറിൽ നേരിടുന്നത് മരണ ഗ്രൂപ്പായി എഫിൽ നിന്ന് മൂന്നാം സ്ഥാനത്ത് ഫിനിഷ് ചെയ്ത് ക്രിസ്റ്റ്യാനോ റൊണാൾഡോയുടെ പോർച്ചുഗലുമായിട്ടാണ്. ജൂൺ 28ന് വെളുപ്പിനെ 12.30നാണ് മത്സരം.
മരണ ഗ്രൂപ്പ് എഫിൽ ചാമ്പ്യന്മാരായിട്ടാണ് ലോകകപ്പ് ജേതാക്കൾ പ്രീ-ക്വാർട്ടറിൽ പ്രവേശിച്ചിരിക്കുന്നത്. ഗ്രൂപ്പ് എയിൽ മൂന്നാം സ്ഥാനക്കാരായ സ്വിറ്റ്സർലാൻഡാണ് ഫ്രഞ്ച് ടീമന്റെ എതിരാളി. ജൂൺ 29ന് വെളുപ്പിനെ 12.30നാണ് മത്സരം.
പ്രീ-ക്വാർട്ടറിൽ മറ്റൊരു ഗ്ലാമർ പോരട്ടമാണ് ഇംഗ്ലണ്ടും ജർമനി തമ്മിൽ. പ്രതീക്ഷിച്ച പ്രകടനം ഇതുവരെ പുറത്തെടുക്കാതെ പ്രീ-ക്വാർട്ടിലെത്തിയിരിക്കുകയാണ് ഇംഗ്ലീഷ് ടീം. ജർമനിയാകട്ടെ പോർച്ചുഗല്ലിനെതിരെ നേടിയ 4-2 ജയത്തിന്റെ ആത്മവിശ്വാസത്തിലാണ്. പക്ഷെ ഹംഗറിക്കെതിരെ നേടിയ സമനിലയും ജർമനിയെ വലയ്ക്കുന്നുണ്ട്. ജൂൺ 29ന് വെളുപ്പിനെ 9.30നാണ് മത്സരം.
ഗ്രൂപ്പ് ഇയിൽ നിന്ന് അപരാജിതാരായിട്ടാണ് സ്വീഡന്റെ പ്രീ-ക്വാർട്ടർ പ്രവേശനം. ഗ്രൂപ്പ് സിയിൽ മൂന്നാം സ്ഥാനക്കാരായ ഉക്രയിനാണ് സ്വീഡന്റെ എതിരാളി. ജൂൺ 30ന് വെളുപ്പിനെ 12.30നാണ് മത്സരം.
