பிரதான் மந்திரி வயா வந்தனா யோஜனா எல்ஐசி திட்டம்: தனக்காகவும் தனது குடும்பத்துக்காகவும் உழைத்துக்கு கொண்டு இருக்கும் நபர்கள், நிகழ்காலம் மட்டுமில்லை, தங்கள் எதிர்காலம் மற்றும் ஓய்வு காலத்தையும் குறித்தும் மிகவும் எச்சரிக்கையாக இருக்க வேண்டும். இளமை காலத்தில் சேமிக்கும் சிறு முதலீடுகள் எதிர்காலத்தில் உங்களுக்கு மிகப்பெரிய பயனை அளிக்கும். மிகவும் வேகமாக சென்றுக்கொண்டு இருக்கும், இந்த அவசரமான வாழ்க்கை முறையில், ஓய்வு காலத்தில் பலன் தரக்கூடிய பல நல்ல திட்டங்கள் குறித்து நமக்குத் தெரியாமல் போய்விடுவதால், முதலீடு எதில் செய்வது சிறந்தது என்று தெரியாமல் போய்விடுகிறது. ஒருவர் தனது ஓய்வு காலத்தில் நிம்மதியாக வாழ வேண்டும் என்பதற்காக அரசு பல திட்டங்களை கொண்டுவந்துள்ளது. அதில் முதலீடு செய்வதன் மூலம் நீங்கள் ஒரு குறிப்பிட்ட காலத்திற்குப் பிறகு கணிசமான தொகையை ஓய்வூதியமாகப் பெறலாம். அதன் பிறகு நீங்கள் கவலைப்பட வேண்டியதில்லை.
இந்தத் திட்டத்தில் பணத்தை முதலீடு செய்வதன் மூலம் மிகப்பெரிய நன்மைகளைப் பெறுவீர்கள்:
நீங்கள் ஒரு பாதுகாப்பான இடத்தில் பணத்தை முதலீடு செய்ய விரும்பினால், பிரதான் மந்திரி வயா வந்தனா திட்டத்தில் முதலீடு செய்யலாம். இந்த திட்டத்தில், உங்கள் பணம் பாதுகாப்பாக இருக்கும். இரண்டாவதாக இங்கே முதலீடு செய்வதன் மூலம் நீங்கள் ஒவ்வொரு மாதமும் ஒரு நிலையான ஓய்வூதியத்தைப் பெறுவீர்கள்.
எல்ஐசி கவனித்துக்கொள்கிறது:
இந்த திட்டத்தை நாட்டின் மிகப்பெரிய ஆயுள் காப்பீட்டு நிறுவனமான எல்ஐசி மூலம் வழங்கப்படும் ஓய்வூதிய திட்டமாகும். இந்த திட்டத்தின் நோக்கம், நாட்டின் மூத்த குடிமக்களுக்கு அவர்களின் சந்தா தொகை அல்லது முதலீடு செய்யப்பட்ட தொகைக்கு ஏற்ப ஒவ்வொரு மாதமும் ஒரு நிலையான ஓய்வூதியத்தை வழங்குவதாகும். முதலீட்டாளர் 60 வயதை அடைந்தவுடன், அவர் இந்த திட்டத்தின் கீழ் மாதாந்திர ஓய்வூதியத்தைப் பெறத் தொடங்குவார். நடப்பு நிதியாண்டில் கிடைக்கும் வட்டி விகிதத்தைப் பற்றி பேசுகையில், மூத்த குடிமக்களுக்கு 7.40 சதவீதம் ஆண்டு வட்டி கிடைக்கும்.
முதலீடு செய்வதற்கான வழி இதுதான்:
இந்தத் திட்டத்தை நீங்கள் எளிதாக புரிந்து கொண்டால், இதற்காக நீங்கள் 15 லட்சம் ரூபாய் முதலீடு செய்ய வேண்டும். இது அதிகபட்ச தொகை, இதை விட குறைவாக நீங்கள் முதலீடு செய்யலாம். இதற்குப் பிறகு, ஒவ்வொரு மாதமும் 10 வருடங்களுக்கு நீங்கள் மாதந்தோறும் ரூ .9,250 ஓய்வூதியத்தைப் பெறுவீர்கள். இதில் உள்ள சிறப்பு என்னவென்றால், 10 ஆண்டுகள் நிறைவடைந்த பிறகு, முழுத் தொகையும் முதலீட்டாளருக்குத் திருப்பித் தரப்படும். மாதாந்திர, காலாண்டு, அரையாண்டு மற்றும் ஆண்டுதோறும் என ஏதேனும் ஒரு விருப்பத்தேர்வுடன் ஓய்வூதியம் பெறலாம்.
இந்தத் திட்டத்தின் கீழ், 1,000 முதல் 10,000 ரூபாய் வரை ஓய்வூதியம் கிடைக்கும். இந்தத் திட்டத்தில் ஓய்வூதியமாக வட்டித் தொகை மட்டுமே கிடைக்கும். அதாவது நீங்கள் ரூ .15 லட்சத்தை டெபாசிட் செய்திருந்தால், 8 சதவிகித வட்டியுடன், அது ஒரு வருடத்தில் ரூ .1.20 லட்சமாக மாறும். இப்போது இந்த தொகையை நீங்கள் மாதாந்திர, காலாண்டு, அரையாண்டு அல்லது ஆண்டுதோறும் பெறுவீர்கள்.
மேலும் தகவல்கள் இணையதளத்தில் கிடைக்கும்:
எல்ஐசியின் அதிகாரப்பூர்வ வலைத்தளத்தைப் பார்வையிடுவதன் மூலம் இந்தத் திட்டத்தைப் பற்றி மேலும் அறிந்துக்கொள்ளலாம். அதன்பிறகு முதலீடு செய்யலாம். இது தவிர, எல்ஐசி முகவர்கள் மற்றும் எல்ஐசி அலுவலகங்கள் மூலமும் இந்தத் திட்டத்தில் முதலீடு செய்யலாம். இது தவிர, எல்ஐசி-யின் கட்டணமில்லா எண் 1800-227-717 ஐ தொடர்புக்கொண்டு திட்டத்தை பற்றி தெரிந்துக்கொள்ளலாம்.
ALSO READ | மூத்த குடிமக்களுக்கு பரிசு, லாபம் அளித்தரும் அரசாங்கத்தின் இந்த 3 திட்டங்கள்!
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
