செய்திவாசிப்பாளராக இருந்து நடிகையாக அவதாரமெடுத்த ரேஷ்மா கவர்ச்சியில் கிறங்கடித்து வருகிறார்.
ரேஷ்மா பசுபுலேட்டி தெலுங்கு தயாரிப்பாளரின் மகள். வெளிநாட்டில் படிப்பு முடித்து விட்டு ஆங்கில செய்தி சேனல் ஒன்றில் செய்தி வாசிப்பாளராக பணியாற்றினார்.
அப்போது, தெலுங்கு சீரியல் தொடரில் முக்கிய கதாபாத்திரத்தில் நடித்தார். அதனைத் தொடர்ந்து, வாணி ராணி, மரகத வீணை போன்ற தொடர்களில் முக்கிய கதாபாத்திரத்தில் நடித்தார்.
இதன் மூலம், திரைப்படங்களில் நடிக்க வாய்ப்பு கிடைத்தது. மசாலா படம் என்னும் முதல் படத்தில் நடித்ததன் மூலம் வேலைன்னு வந்துட்டா வெள்ளைக்காரன் என்னும் திரைப்படத்தில் நடித்தார்.
இதில் புஷ்பா என்னும் கதாபாத்திரம் ஹிட்டானது. இதன் மூலம் பிரபலம் அடைந்த இவர், கேர்ள்ஸ், திரைக்கு வராத கதை, கோ 2, மணல் கயிறு 2, வணக்கம் டா மாப்பிள்ளை போன்ற திரைப்படங்களில் நடித்தார்.
தொலைக்காட்சி நிகழ்ச்சிகள், சீரியல் தொடர் மற்றும் திரைப்படங்களில் பங்கேற்று வரும் ரேஷ்மா, தற்போது பிரபல சீரியல் தொடரான பாக்கியலட்சுமி தொடரில் முக்கிய கதாபாத்திரத்தில் நடித்து வருகிறார். மேலும், விமலின் விலங்கு திரைப்படத்திலும் நடித்துள்ளார்.
