Health Benefits: உங்களின் நோய் எதிர்ப்பு சக்தி சற்று பலவீனமாக இருந்தால் உடல்நலக் கோளாறு ஏற்படும் வாய்ப்புகள் அதிகரிக்கும். அந்த சமயத்தில் நீங்கள் இந்த 6 ஜூஸ்களை குடிக்கும்போது நல்ல நிவாரணம் அளிக்கும். அதுகுறித்து இங்கு முழுமையாக காணலாம்.
இந்த கோடை காலத்திலும் பலருக்கு காய்ச்சல், சளி, இருமல் போன்ற உடல்நலப் பிரச்னைகள் ஏற்படுகின்றன. இது நோய் எதிர்ப்பு சக்தி குறைவாக இருக்கும் போதே ஏற்படும்.
இஞ்சி மஞ்சள் ஜூஸ்: இஞ்சி மற்றும் மஞ்சள் என அலர்ஜி எதிர்ப்பு பொருள்கள் கலந்திருப்பது மட்டுமின்றி இதில் ஆண்டிஆக்ஸிடண்ட் பொருள்களும் இருக்கின்றன. எனவே இது அலர்ஜியை தவிர்த்து உங்களின் நோய் எதிர்ப்பு சக்தியை வலுவாக்கும்.
அன்னாச்சி ஜூஸ்: இதிலும் அலர்ஜி எதிர்ப்பு நொதி பொருள்கள் அதிகமிருக்கின்றன. இது தொண்டை சளி பிரச்னைக்கு நிவாரணம் அளிக்கும். மேலும் மூச்சு பிரச்னையையும் சீராக்கும்.
ஆரஞ்சு ஜூஸ்: இதில் வைட்டமிண் சி அதிகமிருக்கிறது. இது நோய் எதிர்ப்பு சக்தியை வலுவாக்க முக்கிய கூறாகும். குறிப்பாக, இது ரத்தத்தில் உள்ள வெள்ளை அணுக்களை அதிகமாக உற்பத்தி செய்து, தொற்றுக்கு எதிராக வலுவுடன் போராடும்
தர்பூசணி ஜூஸ்: வெயில் காலத்தில் யாராலும் தவிர்க்கவே முடியாத தர்பூசணி பழத்தின் ஜூஸ், வெறும் நீர்ச்சத்து மட்டுமின்றி உங்களுக்கு வைட்டமிண் ஏ மற்றும் சி ஆகியவற்றை அதிகம் வைத்திருப்பதால் நோய் எதிர்ப்பு சக்தி வலுவாகும்.
பீட்ரூட் ஜூஸ்: இதில் இரும்புச்சத்து அதிகம் இருப்பதால் சிவப்பணு மற்றும் வெள்ளை அணுக்களை அதிகரிக்க உதவும். இதனால் உங்கள் ரத்த ஓட்டம் சீராகி, நோய் எதிர்ப்பு சக்தியும் பலமடையும்.
கேரட் ஜூஸ்: வைட்டமிண் ஏ இதில் அதிகம் இருக்கிறது. இதனால், நோய் எதிர்ப்பு சக்தி மட்டுமின்றி கண்பார்வையையும் ஆரோக்கியமாக வைத்திருக்கும்.
பொறுப்பு துறப்பு: இந்த 6 ஜூஸ்கள குறித்து அனைத்து கருத்துகளும் பொதுவான தகவல்களை அடிப்படையாகக் கொண்டவை. உங்களுக்கு உடல்நலக் கோளாறு ஏற்பட்டால், இதை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும் என்பதையும் மனதில் கொள்க. ZEE MEDIA இந்த தகவல்களுக்கு பொறுப்பேற்காது.
