Title Winnter Archana: பிக்பாஸ் சீசன் 7 நிகழ்ச்சி பைனலில் அர்ச்சனா டைட்டிலை வென்றுள்ளார். அவருக்கு பலரும் வாழ்த்துக்களை கூறி வருகின்றனர்.
இந்த வருட பிக்பாஸ் நிகழ்ச்சியில் வைல்ட் கார்ட் என்ட்ரி போட்டியாளராக உள்ளே சென்ற அர்ச்சனா கோப்பையை வென்று அசத்தி உள்ளார்.
பிக்பாஸ் டைட்டிலை வென்ற அர்ச்சனாவிற்கு 80 லட்சம் ரூபாய் மதிப்பிலான பரிசுப்பொருட்கள் வழங்கப்பட்டன. மணி இரண்டாம் இடம் பிடிக்க, மாயா மூன்றாவது இடத்தை பிடித்துள்ளார்.
பிக்பாஸ் வீட்டில் அர்ச்சனாவை பிடிக்காது என்று கூறி இருந்த மாயா, தற்போது அர்ச்சனாவிற்கு ஆதரவாக பதிவிட்டுள்ளார். "அர்ச்சனா டைட்டில் வெற்றி பெற்றதற்கு வாழ்த்துக்கள். நீ நினைத்ததுபோல உன் வாழ்க்கையில் பூ பூக்கும் , செடி வாடுவதாக தெரிந்தால் என்னை கூப்பிடு, நான் வந்து தண்ணி ஊத்துறேன்" என்று இன்ஸ்டாவில் பதிவிட்டுள்ளார்.
இதே போல் சக போட்டியாளர்கள் ஜோவிகா, விக்ரம், பூர்ணிமா, அக்ஷயா, நிக்சன், விஜய், விச்சு மற்றும் அனன்யா ஆகியோரை டேக் செய்து "நீ செய்த நட்பெல்லாம் நான் செய்த அன்பின் பலன்" என்று குறிப்பிட்டுள்ளார்.
முன்னதாக 'பணம் கொடுத்து நீங்கள் கோப்பையை வெல்லலாம். ஆனால் மக்களிடம் அன்பை வெல்ல முடியாது. அது எனக்கு கிடைத்துவிட்டது' என்ற பதிவை ஷேர் செய்து இருந்தார் மாயா. அது சர்ச்சையை கிளப்ப தற்போது இப்படி பதிவிட்டுள்ளார்.
