Cold Water Side Effects : கோடைக்காலத்தில் குளிர்ந்த நீர் குடிக்க யாருக்குத்தான் பிடிக்காது? வெயிலில் சென்று வந்தால் நாம் குளிர்ந்த நீரை உட்கொள்ள ஆசைப்படுவதுண்டு. சிலர் வெயிலில் சுற்றிவிட்டு வீட்டுக்கு வந்த உடனேயே ஃப்ரிட்ஜை திறந்து குளிர்ந்த நீரை குடித்து மகிழ்ச்சி அடைகிறார்கள். ஆனால் அவ்வாறு செய்வது ஆரோக்கியத்துடன் விளையாடுவது போன்றது.
வெப்பமான சூழலில் இருந்துவிட்டு, உடனே குளிர்ந்த நீரைக் குடிப்பது நம் உடலின் சமநிலையை மாற்றும். இது செரிமானத்தை கடுமையாக பாதிக்கும். குளிந்த நீர் அருந்துவதால் ஏற்படும் பிற பக்க விளைவுகள் பற்றி இந்த பதிவில் காணலாம்.
குளிர்ந்த நீரை குடிப்பதால் அசிடிட்டி பிரச்சனைகள் ஏற்படும். குளிர்ந்த நீரைக் குடித்த பிறகு, உணவு உடல் வழியாக செல்லும் போது உணவு மிகவும் கடினமாகிறது. இதன் காரணமாக குடல்கள் சுருங்கி அசிடிட்டி பிரச்சனை ஆரம்பிக்கிறது.
குளிர்ந்த நீரை அதிகமாக குடித்தால், அது செரிமான அமைப்பை பாதிக்கும். உணவை ஜீரணிப்பதில் சிரமம் ஏற்படலாம். மேலும், மலச்சிக்கலுடன், வயிற்று வலி, குமட்டல், வாய்வு போன்ற பிரச்சனைகளும் ஏற்படலாம்.
குளிர்ந்த நீரை அதிகமாக குடிப்பதால் மூளை உறைந்து போகும். குளிர்ந்த நீர் முதுகெலும்பின் பல உணர்திறன் நரம்புகளை குளிர்விக்கிறது. இங்கிருந்துதான் உடனடியாக மூளைக்கு செய்தி அனுப்பப்படுகிறது. இதன் காரணமாக தலைவலி தொடங்குகிறது. இதனால் சைனஸ் ஏற்படும் அபாயமும் உள்ளது.
குளிர்ந்த நீரைக் குடிப்பதால் இதயத் துடிப்பு குறையும் அபாயம் உள்ளது. இது வேகஸ் நரம்பை பாதிக்கிறது. தண்ணீரின் வெப்பநிலை குறைவாக இருப்பதால், வேகஸ் நரம்பு பாதிக்கப்பட்டு இதய துடிப்பு குறைகிறது. இதனால் இதய நோய் ஏற்படலாம்.
அதிக அளவு குளிர்ந்த நீரை குடிப்பதால், உடலில் உள்ள கொழுப்பு எரிக்கப்படாமல், கொழுப்பு கடினமாகிறது. இதன் காரணமாக எடை அதிகரிக்கலாம். எனவே, உடல் பருமன் பிரச்சனையை தவிர்க்க வேண்டுமானால், குளிர்ந்த நீரைக் குடிப்பதைத் தவிர்க்க வேண்டும்.
இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன்னர் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.
