இந்தியன் பிரீமியர் லீக்கில் ஆஸ்திரேலியா இளம் வீரர் சாம் கான்ஸ்டாஸை பார்க்க பலரும் ஆர்வமாக உள்ளனர். ஆனால் அதற்கு இன்னும் சிறிது காலம் காத்திருக்க வேண்டும்.
பார்டர்-கவாஸ்கர் தொடரின் 4வது டெஸ்டில் ஆஸ்திரேலியா அணிக்காக அறிமுகமானார் சாம் கான்ஸ்டாஸ். 19 வயதான அவர் முதல் இன்னிங்ஸில் சிறப்பாக விளையாடினார்.
நாதன் மெக்ஸ்வீனிக்கு பதிலாக இந்தியாவிற்கு எதிரான மீதமுள்ள இறுதி இரண்டு டெஸ்ட் போட்டிகளில் விளையாடிய தேர்வு செய்யப்பட்டுள்ளார். முதல் 3 போட்டிகளில் இவர் இடம் பெறவில்லை.
இவ்வளவு இளம் வயதில் எப்படி ஆஸ்திரேலியா டெஸ்ட் அணியில் இடம் கிடைத்தது என்பதை தனது முதல் இன்னிங்ஸிலேயே நிரூபித்தார் சாம் கான்ஸ்டாஸ்.
65 பந்துகளில் 6 பவுண்டரிகள் மற்றும் 2 சிக்ஸர்கள் உட்பட 60 ரன்கள் அடித்தார். குறிப்பாக பும்ராவின் பந்தில் சிக்ஸர் அடித்து அசத்தி இருந்தார். இதனால் ஒரே போட்டியில் பிரபலமானார்.
மேலும் விராட் கோலி மற்றும் சாம் கான்ஸ்டாஸ் இடையே ஏற்பட்ட மோதல் பரபரப்பாக பேசப்பட்டது. இதற்காக விராட் கோலிக்கு 20% அபராதமும் விதிக்கப்பட்டுள்ளது.
ஐபிஎல் 2025 மெகா ஏலத்தில் சாம் கான்ஸ்டாஸ் இடம் பெறவில்லை. இருப்பினும், இந்தியாவுக்கு எதிரான டெஸ்டில் தனது திறமையை நிரூபித்துள்ளதால் அடுத்த ஏலத்தில் நிச்சயம் இடம் பெறுவார் என்று எதிர்பார்க்கப்படுகிறது.
