Bigg Boss Tamil 8: பிக்பாஸ் வீட்டில் கடந்த வாரம் தொழிலாளர் பிரச்சனைகளை பற்றி பேச நிகழ்ச்சி முடிந்தும், மைக் மூலம் போட்டியாளர்களிடம் பேசியுள்ளார் விஜய் சேதுபதி.
பிக் பாஸ் தமிழ் 8வது சீசன் பரபரப்பாக நடைபெற்று கொண்டுள்ளது. பல்வேறு திருப்பங்கள், சர்ச்சைகள் மற்றும் வியத்தகு விதிகள் மூலம் ரசிகர்களை வெகுவாக கவர்ந்துள்ளது.
கடந்த வாரம் நடந்த மேலாளர் மற்றும் தொழிலாளர் டாஸ்கில் போட்டியாளர்கள் அருண், தீபக் இடையே காரசார விவாதம் நடைபெற்றது. இதை பற்றி வார இறுதியிலும் விஜய் சேதுபதி பேசி இருந்தார்.
எபிசோடில் அருண் பேசியது தவறு என்று சுட்டிக்காட்டிவிட்டு அடுத்த எபிசோடில் சந்திக்கலாம் என்று விடைபெற்றார் விஜய் சேதுபதி. ஆனால் அருண் மிகுந்த வருத்தத்தில் இருந்தார்.
இதனால் பிக்பாஸ் பேசும் மைக்கில் விஜய் சேதுபதி நேரடியாக போட்டியாளர்களிடம் பேசினார். பிக்பாஸ் தமிழ் வரலாற்றில் ஒரு ஹோஸ்ட் இப்படி பேசுவது இதுவே முதல்முறை.
உணர்ச்சிவசத்தில் இருந்த அருணை விஜய் சேதுபதி பேசி, இந்த பிரச்சனைக்கு தெளிவு மற்றும் ஊக்கத்தை அளித்தார். அதன் பிறகு, அருண் தனக்கு ஒரு தெளிவு கிடைத்துள்ளதாக தெரிவித்தார்.
சாச்சனா மற்றும் ஆர்ஜே ஆனந்தி வெளியேறியதை தொடர்ந்து போன வாரமும் இரட்டை எவிக்ஷன் நடைபெற்றது. சத்யா மற்றும் தர்ஷிகா இரண்டு பேரும் வெளியேற்றப்பட்டனர்.
