Michael Douglas in Thanjavur Temple: மார்வல் படங்களில் நடித்து பிரபலமான நடிகர் ஒருவர் தஞ்சாவூர் பெரிய கோயிலுக்கு தனது குடும்பத்தினருடன் சென்றுள்ளார்.
இந்தியாவில் ஹாலிவுட் படங்களுக்கு எப்போதுமே அதிக வரவேற்பு உண்டு. குறிப்பாக மார்வல், டிசி படங்களுக்கு பல லட்சம் ரசிகர்கள் உள்ளனர்.
அவெஞ்சர்ஸ் படத்தில் கேப்டன் அமெரிக்கா, ப்ளாக் விடோ, ஐயர்ன் மேன், ஸ்பைடர் மேன் என பலர் உள்ளனர். இவர்கள் அனைவரும் கூடும் படங்கள் அவெஞ்சர்ச்: இன்ஃபினிட்டி வார், அவெஞ்சர்ஸ்: தி எண்ட் கேம் என்ற பெயர்களில் வெளிவந்துள்ளன.
இந்த படங்களில் முக்கிய கதாப்பாத்திரங்களில் நடித்த ஒருவர் தஞ்சாவூர் பெரிய கோயிலை தனது குடும்பத்தினருடன் விசிட் செய்துள்ளார்.
முக்கியமான அவெஞ்சர் ஹீரோக்களுள் ஒருவர், ஆண்ட் மேன். இவரை உருவாக்கியவராக படத்தில் வரும் கதாப்பாத்திரத்தின் பெயர் ஹேங்க் பிம்.
இந்த கதாப்பாத்திரத்தில் நடித்திருந்தவர், மைக்கில் டக்லஸ். இவர்தான் தனது குடும்பத்தினருடன் தஞ்சாவூர் பெரிய கோயிலுக்கு வந்துள்ளார்.
இவர், சமீபத்தில் கோல்டன் க்ளோப் விருதுகளை வென்றார். இவர் தற்போது இந்தியாவில் சுற்றுப்பயணம் மேற்கொண்டுள்ளார்.
தனது பயணத்தில் ஒரு பகுதியாக, மைக்கில் டக்லஸ் தனது மனைவி கேத்ரீன் மற்றும் மகன் டிலன் உடன் தஞ்சாவூர் கோயிலுக்கு வந்திருந்தார். இந்த போட்டோக்கள் தற்போது இணையத்தில் வட்டமடித்து கொண்டிருக்கின்றன.
