7th Pay Commission Latest News Today: 48 லட்சம் மத்திய அரசு ஊழியர்கள் மற்றும் 65 லட்சம் ஓய்வூதியதாரர்களின் கணக்கில் பெரிய தொகை வரப்போகிறது. கோவிட் 19 தொற்றுநோய் தணிந்து தடுப்பூசி செயல்முறையில் வேகம் வந்த பிறகு, அரசாங்கம் இப்போது மத்திய அரசு ஊழியர்களின் அகவிலைப்படி மீது (DA) போடப்பட்ட தடையை நீக்குவது குறித்து சிந்தித்து வருகிறது.
மாநிலங்களவையில் மத்திய அரசு அளித்த பதிலுக்குப் பிறகு, இத்தகைய எதிர்பார்ப்பு எழுந்துள்ளது. 2021 ஜூலை 1 வரை மத்திய ஊழியர்களின் DA உயர்வு தடைசெய்யப்பட்டுள்ளது என்பது குறிப்பிடத்தக்கது.
மத்திய அரசு ஊழியர்களின் DA அதிகரிப்புக்கான தடை திரும்பப் பெறப்படும்போது, அவர்களுக்கு ஒரே நேரத்தில் பெரிய நன்மை கிடைக்கும். ஜனவரி 2020 இல், மத்திய அரசு ஊழியர்களின் DA 4% அதிகரித்துள்ளது. இதைத் தொடர்ந்து இரண்டாவது பாதியில் 3% அதிகரிப்பு ஏற்பட்டது. இப்போது அது 2021 ஜனவரியில் 4% அதிகரித்துள்ளது. இதன் மூலம் DA 17% -லிருந்து அதிகரித்து 28% வரை உயர்ந்துள்ளது.
லெவல் 1 அடிப்படை ஊதியம் = 18000 ரூபாய். 15% DA உயர்வு = மாதத்திற்கு 2700 ரூபாய். DA-வில் ஆண்டு உயர்வு = 32400 ரூபாய் உயர்வு.
ஏஜி அலுவலக பிரதர்ஹுட்டின் முன்னாள் தலைவரும் சிட்டிசென்ஸ் பிரதர்ஹுட்டின் தலைவருமான ஹரிஷங்கர் திவாரி ஜீ பிசினஸ் டிஜிட்டலிடம், “ஜூன் 2021 க்குள் DA மேலும் 3-4% அதிகரிக்கக்கூடும்” என்று கூறினார். இதன் மூலம், ஜூன் 2021 இல் தடையை நீக்கிய பின்னர் DA 30-32% ஆக அதிகரிக்கும்.
ஹரிஷங்கர் திவாரி கருத்துப்படி, ஜூன் 2021 க்குள் DA 30 முதல் 32% வரை அதிகரிக்கும். இது மத்திய அரசு ஊழியர்களின் DA கொடுப்பனவுகள் சுமார் 15% உயர வழிவகுக்கும். ஒவ்வொரு 6 மாதங்களுக்கும் மத்திய அரசு இதைத் திருத்துகிறது. அடிப்படை ஊதியத்தை அடிப்படையாகக் கருதி இதன் கணக்கீடு சதவீதத்தில் இருக்கிறது. இப்போது ஊழியர்கள் மற்றும் ஓய்வூதியம் பெறுவோருக்கு தனித்தனி DA கிடைக்கிறது.
கடந்த ஆண்டு மத்திய அரசால் DA முடக்கப்பட்டபோது, 2020 ஜனவரி 1 முதல் 2021 ஜூன் 30 வரை அரியர் தொகை எதுவும் பெறப்பட மாட்டாது என்ற உத்தரவில் தெளிவாக இருந்தது. ஜூலை 2021 இல் DA மற்றும் DR தொடர்பான முடிவு ஒவ்வொன்றாக செயல்படுத்தப்படும் என்று கூறப்பட்டது. இருப்பினும், இப்போது இந்த அரியர் தொகையைப் பெற ஊழியர் சங்கங்கள் அரசாங்கத்துடன் பேச்சுவார்த்தை நடத்தி வருகின்றன.
மத்திய அரசின் உத்தரவுக்குப் பிறகு, மாநிலங்களும் தங்கள் ஊழியர்களின் டி.ஏ.வை முடக்கியுள்ளன. முன்னரும், அவசரகால சூழ்நிலைகளில் அகவிலைப்படி கொடுப்பனவு நிறுத்தப்பட்டுள்ளது என்று ஹரிஷங்கர் திவாரி கூறினார். 1975 ஆம் ஆண்டில் எமர்ஜன்சியில், அகவிலைப்படி நிறுத்தப்பட்டது. ஆனால் பின்னர் அது திருத்தி அளிக்கப்பட்டது.
