சாம்சங் பல ஸ்மார்ட்போன்களை உருவாக்கி வருகிறது, அவை வரும் மாதங்களில் அறிமுகப்படுத்த தயாராக உள்ளன.
அவற்றில் ஒன்றாக கேலக்ஸி M12 உள்ளது. இப்போது சிறிது காலமாக இந்த சாதனம் குறித்த தகவல்கசிவுகள் வெளியாகி வருகின்றன.
இந்த சாதனம் ஏற்கனவே பல சான்றிதழ்களை பெற்றுவிட்டது, விரைவில் எந்த நேரத்திலும் அறிமுகமாகும் என்று எதிர்பார்க்கப்படுகிறது. சாம்சங் கேலக்ஸி M12 இப்போது ஜீக்பெஞ்ச் என்ற பெஞ்ச்மார்க் வலைத்தளத்தில் காணப்பட்டுள்ளது. அதன் மூலம் செயலி மற்றும் மென்பொருள் விவரங்களை இந்த பட்டியல் உறுதிப்படுத்தியுள்ளது.
சாம்சங் கேலக்ஸி M12 ஜீக்பெஞ்ச் விவரக்குறிப்புகள் சாம்சங் கேலக்ஸி M12 ஜீக்பெஞ்சில் SM-M127F மாடல் எண்ணுடன் காணப்பட்டது. ஸ்மார்ட்போன் முன்பு அதே மாதிரி எண்ணுடன் வைஃபை அலையன்ஸ், 3C, புளூடூத் SIG மற்றும் BIS ஆகியவற்றிலிருந்து சான்றிதழ்களைப் பெற்றுள்ளது.
இப்போது கசிந்த விவரங்களைப் பொறுத்தவ்ரையில், எக்சினோஸ் 850 செயலி இதற்கு ஆற்றல் அளிக்கும் என்று பட்டியல் தெரிவிக்கிறது. இந்த ஆக்டா கோர் செயலி 2.0 GHz அடிப்படை அதிர்வெண் கொண்டிருக்கும். பட்டியலின் படி, சாதனம் 3 ஜிபி ரேம் விருப்பத்துடன் அனுப்பப்படும், இது பல்பணிக்கு போதுமானது.
அதன் சேமிப்பக திறன் தெரியவில்லை என்றாலும், இந்த யூனிட் குறைந்தபட்சம் 32 அல்லது 64 ஜிபி ஸ்டோரேஜ் விருப்பத்துடன் வெளியாகும் என்று எதிர்பார்க்கலாம். இந்த சாதனத்தை ஒன்றுக்கு மேற்பட்ட ரேம் மற்றும் சேமிப்பக விருப்பங்களில் பிராண்ட் அறிமுகப்படுத்தும் வாய்ப்பு உள்ளது. தனிப்பயனாக்குவதற்கான ஒன் UI ஸ்கின் உடன் ஆண்ட்ராய்டு 11 OS இல் இது இயங்கும்.
சிங்கிள் கோர் பெஞ்ச்மார்க் சோதனையில், ஸ்மார்ட்போன் 178 புள்ளிகளைப் பெற்றுள்ளது, மல்டி கோர் சோதனையில், ஸ்மார்ட்போன் 1025 புள்ளிகளைப் பதிவு செய்துள்ளது.
ஸ்மார்ட்போன் குவாட்-கேமரா அமைப்பைக் கொண்டிருக்கக்கூடும் மற்றும் HD+ டிஸ்ப்ளே பேனலைக் கொண்டிருக்கும். இந்த ஸ்மார்ட்போன் 6.5 இன்ச் பேனலுடன் வழங்கப்படும் என்று எதிர்பார்க்கப்படுகிறது. சாதனம் இப்போது பல சான்றிதழ்களைப் பெற்றுள்ளது. இதன் வெளியீடு ஒரு விரைவில் நிகழும் என்று எதிர்பார்க்கப்படுகிறது.
