சச்சின் தெண்டுல்கரின் வருங்கால மருமகன் குஜராத் அணியில் விளையாடும் சுப்மான் கில் என சமூகவலைதளங்களில் கிசுகிசுக்கப்படுகிறது.
சச்சின் தெண்டுல்கரின் மகள் சாரா தெண்டுல்கருடன் குஜராத் அணியில் விளையாடும் சுப்மான் கில் டேட்டிங் செய்வதாக கூறப்படுகிறது.
அவர்கள் இருவரும் அண்மையில் கோவாவில் இருப்பதுபோல் இருவேறு புகைப்படங்களை பகிர்ந்ததனர். இருவரும் பகிர்ந்த புகைப்படம் ஒரே இடமாக இருந்ததால், கில்லும் சாரா டெண்டுல்கரும் கோவா சென்றுள்ளனர் என நெட்டிசன்கள் அடித்துவிட்டனர்.
மேலும், காரில் இருப்பதுபோல் சாரா தெண்டுல்கர் பகிர்ந்த புகைப்படத்தில் இருந்த கார் சுப்மான் கில்லின் கார் என்றும் நெட்டிசன்கள் கூறினர்.
இந்த செய்தி தீயாக சமூகவலைதளங்களில் பரவியபோதும், சாரா தெண்டுல்கர் மற்றும் சுப்மான் கில் இது குறித்து எந்த மறுப்பும் தெரிவிக்கவில்லை. இனஸ்டாகிராமில் ஒருவருக்கொருவர் கில்லும், சாராவும் பின் தொடர்ந்து வருகின்றனர்.
தற்போது சாரா தெண்டுல்கர் மாடலிங்கில் தீவிரமாக கவனம் செலுத்தி வருகிறார். பாலிவுட் மாடல் மற்றும் நடிகர்கள் பனிதா சந்து மற்றும் தானியா ஷ்ராஃப் ஆகியோருடன் டிவி விளம்பரத்தில் நடித்தார்.
சாராவுக்கு இன்ஸ்டாகிராமில் 2 மில்லியனுக்கும் அதிகமான பின்தொடர்பவர்கள் உள்ளனர். அவர் ஒவ்வொரு முறையும் சமூக ஊடக தளத்தில் ஒரு படம் அல்லது வீடியோவை பதிவிடும்போது வைரலாகிவிடுகிறது.
