தற்போது பலருக்கும் பிக்மென்ட்டேஷன் எனப்படும் தோல் நிறமி பிரச்சனை ஏற்பட்டு வருகிறது. இதனை எளிய வீட்டு வைத்தியங்கள் மூலம் எப்படி சரி செய்யலாம் என்பதை தெரிந்து கொள்ளுங்கள்.
முகத்தில் ஏற்படும் நிறமியை சரி செய்ய அதிக செலவு செய்ய தேவையில்லை. இதற்கு சில எளிய வீட்டு வைத்தியங்கள் உள்ளன. உங்கள் சருமத்தை பொழிவு பெற செய்ய மட்டம் நிறமிகளை அகற்ற உதவும் சில பயனுள்ள வீட்டு வைத்தியங்களை பற்றி பார்ப்போம்.
பப்பாளி: சரும பாதுகாப்பில் பப்பாளி அதிக பயன்களை தருகிறது. பப்பாளியில் பாப்பைன் என்ற நொதி உள்ளது. இதனை முகத்திற்கு பயன்படுத்துவதன் மூலம் நிறமிகளை மறைத்து, ஒளிரும் சருமத்தை பெற முடியும்.
மஞ்சள்: மஞ்சளில் இயற்கையாகவே நிறமியை போக்கும் சக்திகள் உள்ளது. இவற்றில் உள்ள அழற்சி எதிர்ப்பு, ஆக்ஸிஜனேற்ற பண்புகள் இழந்த சருமத்தை மீண்டும் பெற உதவுகிறது. தினசரி பயன்படுத்துவதன் மூலம் நிறமியை சரி செய்யலாம்.
ஆப்பிள் சைடர் வினிகர்: ஆப்பிள் சைடர் வினிகர் முகத்தில் உள்ள கரும்புள்ளிகளை மறைய செய்கிறது. ஆப்பிள் சைடர் வினிகருடன், தண்ணீரைச் சேர்த்து தினசரி முகத்தை கழுவி வந்தால் இந்த பிரச்சனைகளை சரி செய்யலாம்.
எலுமிச்சை சாறு: எலுமிச்சையில் உள்ள பண்புகள் முகத்திற்கு புத்துணர்ச்சி தருகின்றன. மேலும் நிறமியை குறைத்து, சருமத்தை பிரகாசமாக்கி, கரும்புள்ளிகளை மறைக்க உதவுகிறது.
உருளைக்கிழங்கு சாறு: உருளைக்கிழங்கு நிறமியை சரி செய்ய பெரிதும் உதவுகிறது. இதில் உள்ள ஆன்டிஆக்ஸிடன்ட்கள் கரும்புள்ளிகளை நீக்கி, பிரகாசமான சருமத்தை பெற உதவுகிறது.
