மாரடைப்பு அபாயத்தை குறைக்க வாழ்வியல் முறைகளில் ஒருசில எளிய மாற்றங்களை செய்தாலே உடல் மற்றும் இதயம் ஆரோக்கியமாக இருக்கும்.
1. சாப்பிடுவது, தூங்குவது, வேலை செய்வது, உடற்பயிற்சி செய்வது என எல்லாவற்றிலும் ஒழுங்குமுறையை கடைபிடிக்க வேண்டும்.
2. வெள்ளரி, ஆப்பிள், பப்பாளி, தயிர், மோர், கேரட் போன்றவற்றை தினமும் ஒரு முறையாவது உணவில் சேர்த்துக் கொள்ள வேண்டும்.
3. எப்பொழுதும் எடையை சீராக வைத்திருங்கள், குறிப்பாக தொப்பை கொழுப்பை தவிர்க்கவும் புகைபிடிக்கும் பழக்கத்தை உடனடியாக கைவிட முயற்சி செய்யுங்கள்.
4. பதப்படுத்தப்பட்ட உணவுகளில் இருந்து விலகி இருப்பதோடு, பஜ்ஜி, பக்கோடா போன்றவற்றை மிகக் குறைவாகவே சாப்பிடுங்கள். மாதம் ஒருமுறை எண்ணெய் பண்டங்களை சாப்பிடுவதால் ஒன்றும் ஆகாது. ஆனால், அதனை வழக்கமாக வைத்திருக்க கூடாது.
5. நீங்கள் இரவு ஷிப்டில் வேலை செய்தால், இரவு உணவை சுமார் 6 மணிக்குள் சாப்பிட்டு விடவும். இதன் பிறகு 8 மணி வரை பால், பழங்கள் போன்றவற்றை உண்ணலாம்.
