பீகாரில் பெய்து வந்த மழை நின்ற பின்பும், சாலைகளில் தேங்கி உள்ள நீரை வெளியேற்றுவதில் தாமதம் ஏற்பட்டுள்ளது. அதேவேளையில் தொடர்ந்து மீட்பு நடவடிக்கை நடைபெற்று வருகிறது.
நாட்டின் பல மாநிலங்களில் கடுமையான வெள்ளப் பெருக்கு இருப்பதாக மத்திய நீர் ஆணையம் திங்கள்கிழமை எச்சரித்துள்ளது. இதை தொடர்ந்து, ஆந்திரா, பீகார், கர்நாடகா, மகாராஷ்டிரா, மத்தியப் பிரதேசம் மற்றும் உத்தரபிரதேசத்தில் ஆரஞ்சு எச்சரிக்கை விடுத்துள்ளது. கோதாவரி நதி (ஆந்திரா), பாக்மதி நதி மற்றும் கோசி நதி (பீகார்), காவிரி நதி (கர்நாடகா), மற்றும் கங்கா நதி (உத்தரப்பிரதேசம்) உள்ளிட்ட பல நதிகளின் நீர் மட்டம் கடுமையான வெள்ளப் பெருக்கு ஏற்பட்டுள்ளது.
பீகார் மாநிலத்தில் கடந்த சில நாட்களாக கனமழை பெய்து வருகிறது. மேலும் பீகார் மாநிலத்தின் சீமாஞ்சலில் 24 மணி நேரம் கனமழை பெய்தது.
மேலும் கிவுன்கஞ்ச், பூர்ணியா அராரியா ஆகிய மாவட்டங்களிலும் கடுமையாக பாதிக்கப்பட்டு உள்ளன. அங்குள்ள மகாநந்தா, கங்காய் நதிகளில் வெள்ளப்பெருக்கு ஏற்பட்டு இருக்கிறது.
இதனால் பல கிராமங்களுக்குள் வெள்ளம் புகுந்துள்ளது. இதையடுத்து மீட்பு பணிக்காக மத்திய பாதுகாப்பு படையினர் அனுப்பி வைக்கப்பட்டு இருக்கிறார்கள். வெள்ளத்தில் சிக்கிய மக்களை படகுகளில் மீட்டு பாதுகாப்பான இடங்களுக்கு கொண்டு சென்றனர்.
பீகார் மற்றும் உத்திரப்பிரதேச மாநிலங்களில் ஏற்பட்ட வெள்ளப் பாதிப்பு இன்றும் (சனிக்கிழமை) தொடர்கிறது. பலி எண்ணிக்கை 170ஆக உயர்வு.
வெள்ளம் சூழ்நிலை மாநிலத்தின் 15 மாவட்டங்களில் மோசமாகி, மில்லியன் கணக்கான மக்களை பாதித்துள்ளது. கடந்த 24 மணி நேரத்தில் பீகாரில் 34 பேர் உயிரிழந்துள்ளதாக அதிகாரிகள் தெரிவித்துள்ளனர்.
வெள்ளத்தால் பாதிக்கப்பட்ட 1,688 பஞ்சாயத்துகளில் மொத்தம் 108 லட்சம் பேர் பாதிக்கப்பட்டுள்ளதாக பீகார் இடர்பாடு சீராய்வு துறை அதிகாரி ஒருவர் தெரிவித்துள்ளார்.
பீகாரில் ஏற்பட்டுள்ள வெள்ளத்தில் தாய், மகள் அடித்து செல்லப்பட்ட சம்பவம் பெரும் சோகத்தை ஏற்படுத்தி உள்ளது. தற்போது அந்த வீடியோ சமூக வலைதளங்களில் வைரலாக வருகிறது.
By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.
