CBSE બોર્ડે જાહેર કર્યો પરીક્ષાનો કાર્યક્રમ, આ દિવસથી શરૂ થશે ધોરણ 10-12ની પરીક્ષા

નવી દિલ્હીઃ CBSE Class 10th 12th 2024 Datesheet: સીબીએસઈ બોર્ડે ધોરણ 10-12ની પરીક્ષાનો કાર્યક્રમ જાહેર કરી દીધો છે. આ પરીક્ષાઓ 15 ફેબ્રુઆરીથી શરૂ થશે અને 10 એપ્રિલ 2024 સુધી આયોજીત કરવામાં આવશે. બોર્ડ પરીક્ષાઓ લગભગ 55 દિવસ સુધી ચાલશે.  CBSE એ વર્ષ 2024માં લેવાનારી ધોરણ 10 અને ધોરણ 12ની બોર્ડની પરીક્ષાનો કાર્યક્રમ જાહેર કર્યો છે. આ સાથે બોર્ડે કેટલાક દિશા નિર્દેશ પણ જાહેર કર્યાં છે. 

CBSE  Guideline For Exams:
1. બે વિષયો વચ્ચે પર્યાપ્ત ગેપ હોવો જોઈએ.
2. ધોરણ 12ના કાર્યક્રમમાં JEE Main ની પરીક્ષાનું ધ્યાન રાખવામાં આવ્યું છે.
3. આ ડેટશીટ બનાવતા સમયે તે વાતનું ધ્યાન રાખવામાં આવ્યું છે કે બે વિષયની પરીક્ષા એક તારીખ પર ન હોય.
4. પરીક્ષાનો સમય સવારે 10.30 કલાકે શરૂ થશે. ડેટશીટ પરીક્ષાના ઘણા દિવસ પહેલા એટલા માટે જાહેર કરવામાં આવે છે, જેથી વિદ્યાર્થીઓ સારી રીતે તૈયારી કરી શકે.

CBSE releases date sheet for class 12th Board Exams. Examinations to begin from 15th February 2024. pic.twitter.com/zRePYph6ly

— ANI (@ANI) December 12, 2023

CBSE પ્રેક્ટિકલ પરીક્ષાઓ અને નમૂના પેપર્સ
CBSE એ ધોરણ 10 અને 12 ની પ્રેક્ટિકલ પરીક્ષાઓનું શેડ્યૂલ જાહેર કર્યું છે. CBSE સંલગ્ન શાળાઓમાં ધોરણ 10 અને 12 બંને માટે પ્રેક્ટિકલ પરીક્ષાઓ 1 જાન્યુઆરીથી શરૂ થશે અને 15 ફેબ્રુઆરી, 2024ના રોજ સમાપ્ત થશે. શિયાળુ શાળાઓ માટે, ધોરણ 10 અને 12 બંને માટે સત્ર 2023-24 માટે પ્રાયોગિક પરીક્ષાઓ/પ્રોજેક્ટ્સ/આંતરિક મૂલ્યાંકન 14 નવેમ્બરથી 14 ડિસેમ્બર, 2023 દરમિયાન હાથ ધરવામાં આવે છે.