અહીં ભાડા પર મળી રહી છે ખૂબસૂરત પત્નીઓ! આ રીતે નક્કી થાય છે રેટ, ટૂરિસ્ટમાં બન્યું આકર્ષણનું કેન્દ્ર

Rental Wives of Thailand: એશિયાના દક્ષિણપૂર્વ ટાપુ દેશ થાઈલેન્ડ વિશ્વનું એક મુખ્ય પર્યટન સ્થળ છે અને આ દેશના સુંદર બીચને જોવા માટે દુનિયાભરના પ્રવાસીઓ આવે છે. સમુદ્રથી ઘેરાયેલો હોવાથી અહીં વર્ષભર પ્રવાસીઓ આવતા રહે છે. પ્રવાસન પણ આ દેશમાં આવકનો મુખ્ય સ્ત્રોત છે અને લોકોની આજીવિકા પણ તેની સાથે ઘણી હદ સુધી જોડાયેલી છે. જો કે, આ દેશ કેટલાક અન્ય કારણોસર પણ ચર્ચામાં છે. 

તાજેતરમાં એક પુસ્તક પબ્લિસ થયા બાદ થાઈલેન્ડમાં ભાડાની પત્નીઓની પ્રથાને લઈને નવી ચર્ચા છેડાઈ છે. આ વિચિત્ર વલણનું મૂળ થાઈલેન્ડના પટાયાની પરંપરાઓમાં છે. અહીં લોકો ભાડા પર પત્ની લઈ શકે છે, તેને વાઈફ ઓન હાયર અને બ્લેક પર્લ (black pearl) પણ કહેવામાં આવે છે. આ એક પ્રકારનું અસ્થાયી લગ્ન હોય છે, જેમાં પૈસા આપીને છોકરીને થોડા સમય માટે પત્ની બનાવી શકાય છે. યુવતી નિર્ધારિત સમય સુધી પત્નીની તમામ ફરજો બજાવે છે. જો કે, આ પ્રથા હવે વ્યવસાયનું સ્વરૂપ લઈ રહી છે. ચાલો જાણીએ કે થાઈલેન્ડમાં ભાડાની પત્નીનો ઝડપથી વધી રહ્યો છે ટ્રેન્ડ, કોણ ભાડાની પત્ની છે અને આ પત્નીઓ કેટલા સમય સુધી બને છે.

પુસ્તકમાં થયો ખુલાસો
તાજેતરમાં જ  લાવર્ટ એ ઇમેન્યુઅલ પુસ્તક થાઈ ટેબૂ–ધ રાઈઝ ઓફ વાઈફ રેન્ટલ ઈન મોડર્ન સોસાયટીઃ એક્સપ્લોરિંગ લવ, કોમર્સ એન્ડ કોન્ટ્રોવર્સી ઈન થાઈલેન્ડની વાઈફ રેન્ટલ ફેનોમેનન, આ ટ્રેન્ડ વિશે સમગ્ર વિશ્વને માહિતગાર કર્યા છે. આ પુસ્તક જણાવવામાં આવ્યું છે કે, કેવી રીતે થાઈલેન્ડમાં પત્નીને ભાડા પર રાખવાની વિવાદાસ્પદ પ્રથા ઝડપથી વધી રહી છે અને આવકનો મુખ્ય સ્ત્રોત બની રહી છે.

પ્રવાસીઓ કરે છે હાયર
થાઈલેન્ડમાં મોટી સંખ્યામાં વિદેશી પ્રવાસીઓ આવે છે. દેશના અંતરિયાળ અને ગ્રામ્ય વિસ્તારોની છોકરીઓ પૈસા માટે પ્રવાસીઓની ભાડાની પત્ની બની જાય છે. આ ટ્રેન્ડ થાઈલેન્ડના પટાયાના રેડ લાઈટ એરિયા, બાર અને નાઈટ ક્લબમાંથી તેમનો બિઝનેસ ચલાવે છે. થાઈલેન્ડમાં આ બિઝનેસ તરીકે ઝડપથી ફેલાઈ રહ્યો છે.

ઝડપથી વધી રહ્યો છે આ બિઝનેસ
થાઈલેન્ડમાં ભાડાની પત્નીની વિવાદાસ્પદ પ્રથા છે. ગરીબ પૃષ્ઠભૂમિની મહિલાઓ પૈસા કમાવવા માટે વિદેશી પ્રવાસીઓની પત્ની બનીને રહેવા લાગે છે. આ વ્યવસ્થા ઔપચારિક લગ્ન નથી. અમુક દિવસોથી લઈને કેટલાક મહિના સુધીના સમયગાળા માટે કામચલાઉ કરાર કરવામાં આવે છે. મહિલાઓ પૈસા કમાવવા અને પરિવારનું ભરણપોષણ કરવા માટે આવા કામ કરે છે. આ મહિલાઓ મુખ્યત્વે બાર અથવા નાઈટ ક્લબમાં કામ કરે છે અને જ્યારે તેમને સારા ગ્રાહકો મળે છે ત્યારે તેઓ ભાડાની પત્ની બની જાય છે. ભાડાની રકમ મહિલાની ઉંમર, સુંદરતા, શિક્ષણ અને સમયના આધારે નક્કી કરવામાં આવે છે. રકમ $1600 થી $116000 સુધીની હોઈ શકે છે. થાઈલેન્ડમાં આ પ્રથા અંગે કોઈ કાયદો નથી.

જાપાન અને કોરિયાથી પ્રેરિત
થાઈલેન્ડમાં આ પ્રથા તાજેતરમાં ઝડપથી ફેલાઈ રહી છે. જો કે, આ પ્રકારની સેવા જાપાન અને કોરિયામાં પહેલા હતી. થાઈલેન્ડમાં આ પ્રથાની ઝડપી વધી રહેલા ટ્રેન્ડ માટે ઘણા કારણો છે. શહેરીકરણ અને વ્યસ્ત જીવનને કારણે લોકોની એકલતા વધી રહી છે. આવી સ્થિતિમાં લોકો કાયમી સંબંધોને બદલે અસ્થાયી સંબંધોને પસંદ કરવા લાગ્યા છે. સંબંધો અને સ્વતંત્રતા પ્રત્યેના લવચીક અભિગમને કારણે થાઈલેન્ડમાં પણ આ પ્રથા ઝડપથી ફેલાઈ રહી છે. થાઈલેન્ડની સરકાર પણ માને છે કે દેશમાં ભાડાની પત્નીઓની પ્રથા અસ્તિત્વમાં છે અને પ્રવાસીઓના કારણે આ પ્રથાએ બિઝનેસનું સ્વરૂપ લીધું છે. સરકાર માને છે કે આ પ્રથાને અંકુશમાં લેવા માટે કાયદો બનાવવાની જરૂર છે.

(Disclaimer: અહીં આપવામાં આવેલી માહિતી સામાન્ય જાણકારી પર આધારિત છે. ZEE 24 કલાક તેની પુષ્ટિ કરતું નથી.)