શું ફરી ખતરનાક વાયરસ મચાવશે તાંડવ? ચેપ લાગ્યો તો થશે લકવો, આ 2 દેશોએ આપી ચેતવણી

ડેઈલી સ્ટારના રિપોર્ટ મુજબ, આ વાયરસ મચ્છરો દ્વારા ફેલાય છે અને દર પાંચ ચેપગ્રસ્ત વ્યક્તિમાંથી એકને ગંભીર રીતે બીમાર કરી શકે છે. તેનાથી તીવ્ર તાવ, શરીરમાં દુખાવો, ચકામા અને ઉલ્ટી જેવા લક્ષણો થઈ શકે છે. કેટલાક ગંભીર કિસ્સાઓમાં આ વાયરસના હુમલાથી સ્નાયુઓની નબળાઇ અને ક્યારેક લકવો પણ મારી શકે છે.

યુરોપિયન સેન્ટર ફોર ડિસીઝ પ્રિવેન્શન એન્ડ કંટ્રોલ (ECDC) એ ચિંતા વ્યક્ત કરી છે અને કહ્યું છે કે આ કેસ કોઈ ટ્રોપિકલ વિસ્તારની મુસાફરી કરવાથી નહીં, પરંતુ યુરોપમાં જ બન્યા છે. આ વાયરસ માત્ર માણસોમાં ફેલાતો નથી. ઈટાલીના ચીએટી પ્રાંતમાં પણ આ વાયરસ મચ્છરોમાં જોવા મળ્યો છે.

ચિંતાની વાત એ છે કે ઝિકા વાયરસ પણ યુરોપના 26 દેશોમાં પણ જોવા મળ્યો છે, જેમાં પ્રખ્યાત પર્યટન સ્થળો મેજોર્કા અને મેનોર્કા પણ સામેલ છે. ત્યાં મુલાકાત લેતા લોકોને ખાસ કરીને ધારીદાર ટાઈગર મચ્છરોથી સાવચેત રહેવાની ચેતવણી આપવામાં આવે છે, કારણ કે તેઓ વાયરસ ફેલાવવા માટે જાણીતા છે.

યુરોપિયન સેન્ટર ફોર ડિસીઝ પ્રિવેન્શન એન્ડ કંટ્રોલ (ECDC) એ યુરોપમાં મચ્છરો દ્વારા ફેલાતા રોગોના વધતા જતા કેસોને લઈને કડક ચેતવણી આપી છે. એક્સપ્રેસ અખબારના અહેવાલ મુજબ ડેન્ગ્યુ અને ચિકનગુનિયા વાયરસના કેસ પણ વધી રહ્યા છે. ECDCના ડાયરેક્ટર એન્ડ્રીયા એમોને આ અંગે ચિંતા વ્યક્ત કરી છે. તેમનું કહેવું છે કે ક્લાઈમેટ ચેન્જના કારણે યુરોપમાં પહેલાથી જ આવી સ્થિતિ સર્જાઈ રહી છે, જે ખતરનાક મચ્છરોને ફેલાવવામાં મદદ કરી રહી છે. આ મચ્છરો પહેલાથી જ રોગથી પ્રભાવિત વિસ્તારોમાં પહોંચી રહ્યા છે અને ત્યાંના લોકોને ડેન્ગ્યુ જેવી બીમારીઓનું કારણ બની રહ્યા છે. સાથે, આંતરરાષ્ટ્રીય મુસાફરીમાં વધારો થવાથી આ રોગ ફેલાવવાનું જોખમ પણ વધે છે.

ગત વર્ષે યુરોપિયન સેન્ટર ફોર ડિસીઝ પ્રિવેન્શન એન્ડ કંટ્રોલ (ECDC) એ યુરોપના નવ દેશોમાં વેસ્ટ નાઇલ વાયરસના 713 કેસ નોંધ્યા હતા. આ વાયરસનો જન્મ ત્યાં થયો હતો, એટલે કે તેને બહારથી લાવવામાં આવ્યો ન હતો. કમનસીબે આ વાયરસને કારણે 67 લોકોના મોત થયા હતા અને આવા 22 વિસ્તારો પણ આ વાયરસથી પ્રભાવિત થયા હતા, જ્યાં આ રોગ પહેલા ક્યારેય જોવા મળ્યો ન હતો. જો કે ગયા વર્ષે જોવા મળેલા કેસ 2022 કરતા ઓછા હતા, પરંતુ 2018 પછી સૌથી વધુ વિસ્તારો વાયરસથી પ્રભાવિત થયા હતા. મતલબ કે આ વાયરસ સમગ્ર યુરોપમાં ઝડપથી ફેલાઈ રહ્યો છે. ગત વર્ષે, ઇટાલી, ગ્રીસ, રોમાનિયા, હંગેરી અને સ્પેનને આ વાયરસનું મુખ્ય કેન્દ્ર માનવામાં આવતું હતું.