Abu Dhabi Temple: UAE જ નહી દુનિયાના આ મુસ્લિમ દેશોમાં પણ ભવ્ય હિંદુ મંદિર, ભક્તોની લાગે છે ભીડ

બહેરીનમાં એક હિન્દુ મંદિર પણ છે જે લગભગ 200 વર્ષ જૂનું છે. આ મંદિર ભગવાન કૃષ્ણને સમર્પિત છે. આ મંદિરની સ્થાપના થટ્ટાઈ સમાજ દ્વારા વર્ષ 1817માં કરવામાં આવી હતી.

ઇન્ડોનેશિયામાં પ્રમ્બાનન મંદિર આવેલું છે જે સૌથી મોટું હિન્દુ મંદિર માનવામાં આવે છે. આ મંદિર ભગવાન શિવ, ભગવાન વિષ્ણુ અને ભગવાન બ્રહ્માને સમર્પિત છે. આ મંદિર 9મી સદીનું માનવામાં આવે છે. આ સિવાય સરસ્વતી મંદિર અને શિવ મંદિર પણ ઇન્ડોનેશિયાના બાલીમાં સ્થિત છે જે ખૂબ જ લોકપ્રિય છે.

લગભગ 109 વર્ષ જૂનું શિવ મંદિર ઓમાનની રાજધાની મસ્કટમાં આવેલું છે. આ મંદિરને મોતીશ્વર મંદિર તરીકે પણ ઓળખવામાં આવે છે. વર્ષ 2018માં જ્યારે વડાપ્રધાન મોદી ઓમાનના પ્રવાસે ગયા હતા ત્યારે તેમણે આ શિવ મંદિરની પણ મુલાકાત લીધી હતી. મસ્કતમાં શિવ મંદિર ઉપરાંત શ્રી કૃષ્ણ મંદિર અને ગુરુદ્વારા પણ છે.  

મલેશિયામાં મોટી સંખ્યામાં મુસ્લિમ સમુદાયના લોકો રહે છે. આ સિવાય અહીં હિન્દુ સમુદાયના તમિલ લોકો પણ છે. અહીંનું સૌથી પ્રખ્યાત મુરુગન મંદિર છે. આ મંદિરમાં ભગવાન મુરુગનની સૌથી મોટી પ્રતિમા છે. તે મલેશિયાની રાજધાની કુઆલાલંપુરથી 13 કિલોમીટર દૂર છે. આ મંદિરમાં ભગવાન શિવ, માતા પાર્વતી અને કાર્તિકેયની મૂર્તિઓ પણ છે.

પાડોશી દેશ પાકિસ્તાનમાં પણ એક હિન્દુ મંદિર છે જે કટાસરાજ મંદિર તરીકે ઓળખાય છે. આ મંદિર 7મી સદીમાં બનાવવામાં આવ્યું હતું. આ ભગવાન શિવનું સૌથી જૂનું મંદિર છે. આ મંદિરનો ઉલ્લેખ મહાભારતમાં પણ છે. મંદિર પરિસરમાં રામ મંદિર, હનુમાન મંદિર પણ છે.