Passport Updates: ભારતમાં કુલ કેટલાં રંગના પાસપોર્ટ ઈશ્યૂ થાય છે, જાણો દરેક રંગનું શું છે મહત્ત્વ

ભારતમાં સમાન્ય નાગરિકો માટે ભૂરો પાસપોર્ટ: ભારતના કોઈ પણ પાસપોર્ટ ધારકમાં સામાન્ય નાગરિક પાસે આ આ ભૂરો પાસપોર્ટ જોવા મળશે, કારણ કે આ પાસપોર્ટ સામાન્ય નાગરિકોને ઈશ્યૂ કરવામાં આવે છે. વિશ્વભરમાં પ્રવાસ માટે કે પછી બિઝનેસ ટ્રીપ માટે કે પોતાના પરિવારને મળવા જતા લોકોને એટલે સામાન્ય લોકોને આ પાસપોર્ટ ઈશ્યૂ કરવામાં આવે છે. આ પાસપોર્ટમાં નામ, જન્મ તારીખ, ફોટો તેમજ અન્ય ID પ્રૂફ ઈમીગ્રેશન ચેક્સ માટે હોય છે.

ભારત સરકાર હવેથી કેસરી પાસપોર્ટ ઈશ્યૂ કરી શકે છે. ભારત સરકાર કેસરી પાસપોર્ટ ઈશ્યૂ કરે તો ભારતમાં મોટા પ્રમાણમાં લોકોને કેસરી પાસપોર્ટ ઈશ્યૂ થશે. જે લોકો ધોરણ 10 પાસ હોય છે એટલે કે ધોરણ 10થી વધુ અભ્યાસ નથી કર્યો હોતો તે લોકોને કેસરી પાસપોર્ટ ઈશ્યૂ કરવામાં આવે છે. બીજા પાસપોર્ટની જેમ કેસરી પાસપોર્ટમાં અંતિમ પાના પર પિતાની માહિતી તેમજ પરમનંનટ એડરેસ નહી દર્શાવવામાં આવે. કેસરી પાસપોર્ટ ધારકો ECR કેટેગરીમાં આવે છે. (EMIGRATION CHECK REQUIRED)

સરકારી અધિકારીઓ, રાજદ્વારીઓ માટે મરુન પાસપોર્ટ: ભારતમાં મરુન પાસપોર્ટ માત્ર ભારતીય રાજદ્વારીઓ તેમજ સરકારના વરિષ્ઠ અધિકારીઓને જ આપવામાં આવે છે. હાઈ ક્વોલિટી પાસપોર્ટ માટે અલગથી એપ્લિકેશ આપવી પડે છે. મરુન પાસપોર્ટ હોલ્ડર્સને વિદેશ યાત્રા દરમિયાન કેટલાક ફાયદા પણ થાય છે. એટલુ જ નહીં પણ વિદેશ યાત્રા દરમિયાન વિઝાની જરૂર પણ નથી પડતી હોતી. મરુન પાસપોર્ટ હોલ્ડર ઈમીગ્રેશનની પ્રક્રિયા ફટાફટ પતાવી શકે છે. 

ભારતનું પ્રતિનિધિત્વ કરતા અધિકારીઓ માટે સફેદ પાસપોર્ટ: ભારતના સફેદ પાસપોર્ટને સૌથી શક્તિશાળી પાસપોર્ટ માનવામાં આવે છે. સરકારી અધિકારીઓને જ આ પાસપોર્ટ ઈશ્યૂ કરવામાં આવે છે. સરકારી અધિકારીઓ જે ભારતનું પ્રતિનિધત્વ કરતા હોય તે અધિકારીઓને આ પાસપોર્ટ ઈશ્યૂ કરવામાં આવે છે. કસ્ટમ્સ અને ઈમીગ્રેશનની પ્રક્રિયા સરળ થઈ જાય છે.