Gujarat Elections 2022: આ સેલિબ્રિટિ દંપતીઓએ સાથે મળીને મતદાન કરીને લોકશાહીના પર્વની ઉજવણી કરી, જુઓ તસવીરો

ગુજરાત વિધાનસભાના પ્રથમ ચરણમાં જાહેર જીવન સાથે સંકળાયેલાં પાવરફૂલ કપલે પોતાના મતાધિકારનો ઉપયોગ કરીને સાથે મળીને લોકશાહીના પર્વની ઉજવણી કરી...

ગુજરાતના પૂર્વ મુખ્યમંત્રી અને તેમના પત્નીએ મતદાન કર્યું હતું. મતદાન કર્યા પછી વિજય રૂપાણી કહ્યું કે આમ આદમી પાર્ટીથી ભાજપને ફેર પડવાનો નથી. સૌરાષ્ટ્રમાં ભાજપનો ભગવો લહેરાશે. નારાજગીની વાત નાની છે. સૌરાષ્ટ્રમાં નારાજગીની ઘટના એક બે જગ્યાએ જ જોવા મળી છે, ભાજપને કોઈ અસર નહીં થાય. તેમના પત્નીએ કહ્યું હતું કે કાર્યકર્તાઓમાં ઉત્સાહ છે. ભાજપ જીતશે તેવો મને વિશ્વાસ છે.

ક્રિકેટર રવિન્દ્ર જાડેજાએ પોતાના પત્ની રિવાબા સાથે મતદાન કરીને લોકશાહીના પર્વની ઉજવણી કરી. અને  મતદાન બાદ બાલ ઠાકરેનો મોદી અંગેનો જૂનો વીડિયો સોશિયલ મીડિયામાં શેર કર્યો. જેમાં બાલ ઠાકરે એવું કહી રહ્યાં છે કે જો ગુજરાતમાંથી મોદી ગયા તો ગુજરાત હાથમાંથી જશે. ગુજરાતને માત્ર એક જ વ્યક્તિ બચાવી શકે છે અને એ વ્યક્તિ છે નરેન્દ્ર મોદી.

ભાજપ પ્રદેશ અધ્યક્ષ સી. આર. પાટીલે મતદાન કર્યા બાદ કહ્યું હતું કે મોદીનો જાદુ દરેક સમયે, દરેક જગ્યાએ કામ કરે છે. તે લોકોના દિલમાં છે. લોકો તેમના પર વિશ્વાસ કરે છે અને તેઓ તેમની અપેક્ષાઓ પૂરી કરવા સક્ષમ છે. કોંગી નેતાઓ દ્વારા પીએમ સામે કરાયેલી “ઓકાત” વાળી ટિપ્પણી પર તેમને પ્રતિક્રિયા આપતા કહ્યું કે, “જેઓએ એવું કહ્યું તેઓને તેમની ‘ઓકાત’ વિશે ખબર પડી જશે.”

કેન્દ્રિય મંત્રી મનસુખ માંડવિયાએ ભાવનગર જિલ્લાના હનોલ ગામમાંથી પોતાના પરિવાર સાથે મતદાન કર્યું.

મધ્યપ્રદેશના રાજ્યપાલ મંગુભાઈ પટેલ અને તેમના પત્નીએ નવસારીમાં મતદાન મથક પર મતદાન કર્યું.

રાજકોટના રાજા માંધાતાસિંહ અને મહારાણી કાદમ્બરી દેવી મતદાન કરાવા માટે વિન્ટેજ કારમાં આવ્યા હતા. આ દ્રશ્યો આકર્ષણનું કેન્દ્ર બન્યા હતા. માંધાતાસિંહ અને તેમના પરિવાર એ તમામ શહેરીજનોને મતદાન કરવાની અપીલ કરી હતી. 

ગુજરાતના નાણામંત્રી કનુભાઈ દેસાઈએ કહ્યું કે, “ગુજરાત પ્રગતિ કરી રહ્યું છે અને રાજ્યની જનતાએ ભાજપને મત આપવાનું નક્કી કર્યું છે. લોકોને ભાજપમાં વિશ્વાસ છે અને રાજ્યમાં આગળ વિકાસ થશે. રાજ્યમાં ભાજપની સરકાર બનશે.”

ભાવનગરમાં શિક્ષણ મંત્રી જીતુ વાઘાણીએ પોતાના પત્ની અને પરિવારના સભ્યો સાથે મતદાન કર્યું