યાદશક્તિ હોય નબળી તો રોજ સવારે ખાલી પેટ ખાવાનું શરુ કરો આ Memory Booster વસ્તુઓ

બદામ પોષક તત્વોથી ભરપૂર છે. તેમાં પ્રોટીન, આયરન, ફોસ્ફરસ, ફાઇબર જેવા પોષક તત્વો હોય છે. રોજ સવારે ખાલી પેટ તેનું સેવન કરવાથી મગજ તે જ થાય છે અને યાદશક્તિ સુધરે છે. સાથે જ તે શરીરને પણ સ્વસ્થ રાખવામાં મદદ કરે છે.

અખરોટને રાત્રે પાણીમાં પલાળીને સવારે તેનું સેવન કરવાથી મેમરી શાર્પ થાય છે. અખરોટ ખાવાથી યાદશક્તિ સુધરે છે અને મેટાબોલિઝમ પણ વધે છે. તેનાથી હાડકા પણ મજબૂત થાય છે.

અંજીરનું સેવન પણ સ્વાસ્થ્ય માટે ખૂબ જ સારું છે. રાત્રે પાણીમાં પલાળેલું અંજીર સવારે ચાવીને ખાવાથી કબજિયાત દૂર થાય છે અને સાથે જ શરીરની નબળાઈ પણ દૂર થાય છે.

કિસમિસ ઔષધીય ગુણથી ભરપૂર હોય છે અને તેનું સેવન કરવાથી ફાયદો થાય છે. રાત્રે પાણીમાં છ થી સાત કિસમિસ પલાળી દેવી અને સવારે તેને ચાવીને ખાઈ લેવાથી ઇમ્યુનિટી બુસ્ટ થાય છે અને પાચનતંત્ર સ્વસ્થ રહે છે.

ખજૂર પણ શરીર માટે ખૂબ જ લાભકારી છે. રાત્રે તેને પાણીમાં પલાળીને સવારે ખાવાથી શરીરમાં આયરનનું પ્રમાણ વધે છે અને પાચનતંત્ર મજબૂત રહે છે. તેનાથી હાડકા મજબૂત થાય છે અને શારીરિક તેમજ માનસિક નબળાઈ દૂર થાય છે.