PICS: હરિદ્વારમાં હર કી પૌડી પર પડી વીજળી, ટ્રાન્સફોર્મર સહિત દિવાલ ધરાશાયી

હરિદ્વારમાં ગત રાત્રીના લગભગ 2 વાગ્યે ભારે વરસાદની સાથે હર કી પૌડી પર વીજળી પડી, જેમાં ભારે નુકસાન થયું છે. વીજળી પડવાના કારણે દિવાલ ધરાશાયી થઈ અને સમગ્ર વિસ્તારમાં તબાહીનો નજારો જોવા મળી રહ્યો છે.

વીજળી પડવાને કારણે સીડીઓને ઘણું નુકસાન થયું છે. જો કે, હજી સુધી કોઈના જીવને કોઈ નુકસાન થયાના સમાચાર સામે આવ્યા નથી.

વીજળીના કારણે હર કી પૌડી પર બ્રહ્માકુંડ નજીક એક ટ્રાન્સફોર્મર ધરાશાયી થયું છે. રાતના બનાવ બાદ આસપાસના વિસ્તારમાં વીજળી ખોરવાઈ હતી.

પોલીસ તંત્ર દ્વારા હર કી પૌડીમાં બ્રહ્મકુંડની ભક્તોની મુલાકાત પર પ્રતિબંધ મુક્યો છે.

આ સમયે હર કી પૌડી ખાતે સર્વિસમેનની મદદથી વીજળી પડ્યા બાદ જમા થયેલ કાટમાળને હટાવવાની કામગીરી શરૂ થઈ છે.