Money Indications: આ છે ઘરમાં દેવી લક્ષ્મીના કુમકુમ પગલાં પડવાના સંકેત, મળે છે અપાર ધનસંપત્તિ અને વૈભવ
આજે આપણે જાણીએ કે ધનની દેવી લક્ષ્મીની કૃપા થતા પહેલા વ્યક્તિને સપનામાં કઈ કઈ ચીજો દેખાય છે.
બધાના જીવનમાં કોઈને કોઈ રીતે ઉતાર ચડાવ આવતા રહે છે. આ માટે વ્યક્તિના કર્મ અને ભાગ્ય બંને જવાબદાર હોય છે. જ્યારે વ્યક્તિનું ભાગ્ય જાગે છે ત્યારે તેની જિંદગી બદલાઈ જાય છે. તેને ધન સંપત્તિ, પ્રગતિ, ખુશહાલ સંબંધો બધુ જ મળે છે. વ્યક્તિની જિંદગીમાં જ્યારે આ પરિવર્તન થવાનો સમય આવે છે ત્યારે તેને તેનો સંકેત અનેક રીતે મળવા લાગે છે. આજે આપણે જાણીએ કે ધનની દેવી લક્ષ્મીની કૃપા થતા પહેલા વ્યક્તિને સપનામાં કઈ કઈ ચીજો દેખાય છે.
સપનામાં દર સાથે સાપ દેખાય
સપનામાં સાપ દેખાય એ તો સામાન્ય વાત છે પરંતુ સાપ તેના દર સાથે દેખાય તે ખુબ શુભ હોય છે. અચાનક ઢગલો પૈસા મળવાનો આ સંકેત છે.
સપનામાં સોનું દેખાય
જો સપનામાં સોનું દેખાય તો તેનો સંકેત એ છે કે માતા લક્ષ્મી તમારા પર મહેરબાન થવાની છે.
સપનામાં મધપૂડો દેખાય
જો સપનામાં તમને મધપૂડો દેખાય તો તે ખુબ જ શુભ હોય છે. તે પૈસા આવવાનો સંકેત આપે છે.
સપનામાં ઉંદર જોવા મળે
સપનામાં જો ઉંદર દેખાય તો સમજી લેવું કે ધન ધાન્યથી ઘર ભરાઈ જવાનું છે. હવે તમારા જીવનમાં કોઈ ભૌતિક સુખની કમી નહીં રહે.
સપનામાં દેવી દેવતા જોવા મળે
સપનામાં કોઈ પણ ભગવાન દેખાય તે ખુબ શુભ મનાય છે. જીવનમાં સફળતા મળવાના અને ખુબ પૈસા મળવાનો સંકેત છે.
સપનામાં પ્રગટેલો દીવો દેખાય
સપનામાં જો તમને પ્રગટેલો દીવો દેખાય તો વ્યક્તિને અપાર ધન દૌલત મળવાની પૂર્વ સૂચના મળે છે. આ સપનું પણ ખુબ જ શુભ મનાય છે.
સપનામાં પોતે પોતાની જાતને વીંટી પહેરાવતી જુઓ
જો સપનામાં પોતાની જાતને જ તમે વીંટી પહેરાવતી જુઓ તો તે જીવનમાં સમૃદ્ધતા આવવાનો સંકેત છે. જો કોઈ યુવતીને આ સપનું દેખાય તો જલદી વિવાહ થવાના પણ સંકેત છે.
(ખાસ નોંધ- આ લેખમાં અપાયેલી સૂચનાઓ સામાન્ય જાણકારી અને માન્યતાઓ પર આધારિત છે. ઝી 24 કલાક તેની કોઈ પુષ્ટિ કરતું નથી)
Trending Photos
- 6
- 6
- 5
- 12
