New Rules from 1st March: 1 માર્ચથી દેશભરમાં લાગૂ થશે નવા નિયમો, કોરોનાના રસીકરણના આગલાં ચરણની સાથે થશે ઘણાં ફેરફાર

આવતીકાલે 1 માર્ચથી 60 વર્ષથી મોટી ઉંમરના લોકો અને ગંભીર બીમારીઓથી પીડાતા 45 વર્ષથી મોટી ઉંમરના લોકોને કોરોનાની રસી આપવાની શરૂઆત કરવામાં આવશે. સરકારી હોસ્પિટલોમાં આ રસીકરણ વિના મુલ્યે કરાશે જ્યારે ખાનગી હોસ્પિટલોમાં 250 રૂપિયામાં આ રસી આપવામાં આવશે.

કેન્દ્ર સરકારે વિજયા અને દેના બેંકનું બેંક ઓફ બરોડોમાં મર્જર કરી દીધું છે. બેંકોના મર્જર બાદ આવતીકાલથી એટલેકે, પહેલી માર્ચથી બેંકના નવા નિયમો લાગૂ થશે. એવામાં બેંકના જુના આઈએફએસસી કોડ કામ નહીં કરે. તેથી વિજયા અને દેના બેંકના ગ્રાહકોએ હવે બેંક ઓફ બરોડામાં જઈને નવો IFSC કોડ લેવો પડશે.

વિજયા અને દેના બેંકના ગ્રાહક બેંક ઓફ બરોડાની સત્તાવાર વેબસાઈટ www.bankofbaroda.in પર વિજિટ કરી શકે છે. એ ઉપરાંત બેંક ઓફ બરોડોની નજીકની શાખામાં જઈને પણ જરૂરી દસ્તાવેજ દર્શાવીને નવો IFSC કોડ મેળવી શકે છે.

દરેક મહિનાની પહેલી તારીખે તેલ કંપનીઓ સિલેંડરનો નવો ભાવ નક્કી કરે છે. કાલથી ઘરેલુ સિલેંડર (ગેસનો બાટલો) તમને કેટલાં રૂપિયામાં મળશે એ નક્કી થશે. દિલ્લીમાં હાલ 14.2 કિલોગ્રામ વાળા ઘરેલું ગેસ સિલેંડરનો ભાવ 794 રૂપિયા છે.

આમ, તો દરરોજ પેટ્રોલ-ડીઝલના નવા ભાવ નક્કી થતા હોય છે. જોકે, ફેબ્રુઆરી મહિનાના છેલ્લાં દિવસે ભાવમાં કોઈ ફેરફાર નથી કરવામાં આવ્યો. એવામાં આ રાહત માર્ચ મહિનામાં યથાવત રહેશે કે પછી મહિનાની શરૂઆત જ મોંઘવારીની મારથી થશે એ વાત પર દરેકની નજર રહેશે.