અમદાવાદમાં જળબંબાકાર, અનેક જગ્યાએ ઘરોમાં પાણી ઘૂસી ગયા, વાહનો ડૂબી ગયા, જુઓ તસવીરો

અમદાવાદના વાસણા, પાલડી, એલિસબ્રિજ વિસ્તારમાં તો 18 ઈંચ જેટલો વરસાદ પડ્યો હતો. તો વાડજ, ઇનકમટેક્સ, આશ્રમ રોડ જેવા વિસ્તારમાં 14 ઈંચથી વધુ વરસાદ પડ્યો હતો. શાહીબાગ, ઉસ્માનપુરા અને અખબારનગર અંડરપાસમાં પાણી ભરાવાને કારણે તેને બંધ કરી દેવામાં આવ્યા હતા. 

વાસણા વિસ્તારમાં આવેલા દેવાસ એપાર્ટમેન્ટમાં તો વરસાદને કારણે લોકોના ઘરમાં પાણી ઘૂસી ગયા હતા. વરસાદ એટલો વધારે હતો કે ગ્રાઉન્ડ ફ્લોરમાં પાર્ક કરેલી કારો પણ ડૂબી ગઈ હતી.   

લોકોના ઘરમાં પાણી ભરાવાને કારણે અનેક મુશ્કેલી ઉભી થઈ હતી. તો ભારે વરસાદની આગાહીને કારણે આજે અમદાવાદમાં શાળા કોલેજો પણ બંધ કરી દેવામાં આવી છે. હજુ પણ વરસાદ પડશે તો લોકોની મુશ્કેલીમાં સતત વધારો થવાનો છે.