રાજ્ય ચુંટણી આયોગે પેટા ચુંટણી લઇને તૈયારીઓ શરૂ કરી દીધી છે. ગુજરાત વિધાનસભાની ખાલી પડેલી 7 બેઠકોની આગામી ઓક્ટોબરમાં પેટા ચુંટણી યોજાઈ શકે છે. મોરવા હડફ, અમરાઈવાડી, થરાદ, ખેરાલુ, લુણાવાડા, રાધનપુર અને બાયડ વિધાનસભા બેઠકની પેટા ચુંટણીનો તખ્તો તૈયાર થઇ ગયો છે. આ વિધાનસભા બેઠકોના વિસ્તારમાં ત્રણ વર્ષથી એક જ જગ્યાએ ફરજ બજાવતા ચુંટણી સંલગ્ન કામગીરીમાં રોકાયેલા કર્મચારી અધિકારીઓની બદલી કરવા સૂચના આપવામાં આવી છે. નાયબ મામલતદાર થી લઇને ડેપ્યુટી કલેકટર સુધીના આવા કર્મચારી અધિકારીઓની બદલી કરવામાં આવશે. પેટા ચુંટણી વાળી બેઠકનો વિસ્તાર વતનમાં આવતો હશે તો આવા કર્મચારીઓની પણ બદલી કરવામાં આવશે.