અમદાવાદ જીલ્લાનાં જેતલપુર પાસે આવેલા લાલુજી એન્ડ સન્સનાં ગોડાઉનમાં શોટ સર્કિટનાં કારણે ભીષણ આગ લાગતા અફરાતફરી સર્જાઈ હતી. ૬ કલાક ની જહેમત બાદ ફાયર બ્રિગેડ દ્વારા આખરે આગ પર કાબુ મેળવવામાં આવ્યો હતો. ૮૦થી વધુ ફાયરનાં કર્મચારીઓ અને 18થી વધુ ફાયરબ્રિગેડની ગાડીઓ અને એક સ્નોરકેલની મદદથી આગ પર ભારે જહેમત બાદ નિયંત્રણ મેળવ્યો હતો. લાલુજી એન્ડ સન્સનાં મંડપનાં ગોડાઉનમાં આગ લાગ્યા બાદ અનેક સવાલો ઉભા થયા છે. સમગ્ર મામલે નારોલ પોલીસ દ્વારા ગુન્હો નોધીને ગોડાઉનનાં માલિકની પૂછપરછ પણ કરવામાં આવી હતી. જોકે, ગોડાઉનને કઈ રીતે મંજુરી આપવામાં આવી છે, તે પોલીસ તપાસનો વિષય પણ બન્યો છે.