ફતેપુરા વિધાનસભાના ધારાસભ્યનો મતદારોને ભાજપને મત નહીં નાખો તો કોઈપણ સરકારી લાભ નહીં મળે તેવું સભાને સંબોધતાનો વિડિયો વાયરલ થયો છે. મતદારોને એક સભામાં ધારાસભ્ય રમેશ કટારાએ જણાવ્યું કે જો ભાજપને મત નહી નાખો તો મોદી કામ ઓછું આપશે ઝૂંપડાના પૈસા પણ મોદી તમારા ખાતામાં નહીં નાખે. મોદી કેમેરામાં બેઠો બેઠો ભાળે છે કે કયા બુથમાં કેટલા મત ભાજપને અને કોંગ્રેસને પડ્યા. જો તમે ભાજપને મત નહીં આપો અને કોંગ્રેસને આપશો તો અવળું થશે.