ખેડૂતોને ચોમાસામાં તેમજ કમોસમી વરસાદથી નુકશાની થઇ હોવા છતાં પણ પલ વીમો ચુકવવામાં આવતો નથી જેથી કરીને કોંગ્રેસ દ્વારા ખેડૂતોના અવાજને બુલંદ કરવા માટે આજે હળવદમાં ખેડૂત અધિકાર સંમેલન રાખવામાં આવ્યું હતું. જેમાં કોંગ્રેસના આગેવાન હાર્દિક પટેલ સહિતના હાજર રહ્યા હતા અને ખેડૂતોને તોર કરતા કહ્યું હતું કે, ખેડૂતોના નેતા હવે કોઈ રહ્યા નથી માટે ખેડૂતોને તેના હક્ક માટે સંગઠિત થવાની જરૂર છે. પોતાના હક્ક માટે પોતાને જ લડવું પડશે.