મહીસાગર જિલ્લાના બાલાસિનોર નગરમાં આવેલ કાલુપુર જુના પ્લોટ વિસ્તારની જો વાત કરીએ તો રસ્તો ઉબડ ખાબડ છે. સ્ટ્રીટ લાઈટ નથી ચાલતી અને લોકોને અંધારામાં રહેવું પડે છે અને ફળીયામાં દરેક મકાન આગળ ગંદકી ખદબદી રહી છે. રસ્તા પર ગટરોના પાણી વહી રહ્યા છે. જેને લઈને સ્થાનિકો વારંવાર બીમાર પડે છે અને કચરો લેવા પણ સમય સર આવતા નથી. તેમજ અહીંયા કાદવ કીચડ હોવાથી સ્થાનિકો વારંવાર બીમારીનો સામનો કરી રહ્યા છે. આવી અનેક સમસ્યાઓથી સ્થાનિક લોકો પીડાઈ રહ્યા છે. અનેક વાર લેખિત તેમજ મૌખિક રજૂઆતો કરવા છતાં પણ પાલિકા તંત્રની આંખ ઉઘડતી નથી. આખરે સ્થાનિક લોકોએ જો પ્રાથમિક સુવિધાઓ નહીં મળે તો આગામી ચૂંટણી બહિષ્કારની પણ ચીમકી ઉચ્ચારી છે.