Viral Video - 66 ವರ್ಷಗಳ ಹಿಂದೆ ಫ್ರಿಡ್ಜ್ ಹೇಗಿತ್ತು ಗೊತ್ತಾ...? ಭಾರಿ ವೈರಲ್ ಆಗುತ್ತಿದೆ 1956ನೇ ಸಾಲಿನ ಈ ವಿಡಿಯೋ

Amazing Videos: ಸಾಮಾಜಿಕ ಮಾಧ್ಯಮಗಳಲ್ಲಿ ಆಗ್ಗಾಗ್ಗ ಹಳೆ ಮತ್ತು ನಿಬ್ಬೇರಗಾಗಿಸುವ ವಿಡಿಯೋಗಳನ್ನು ಹಂಚಿಕೊಳ್ಳಲಾಗುತ್ತದೆ. ಇದೇ ಸರಣಿಯಲ್ಲಿ ಇದೀಗ ಸುಮಾರು 66 ವರ್ಷಗಳಷ್ಟು ಹಳೆಯದಾದ ವಿಡಿಯೋವೊಂದನ್ನು ಹಂಚಿಕೊಳ್ಳಲಾಗಿದ್ದು, ವಿಡಿಯೋ ಇದೀಗ ಭಾರಿ ವೈರಲ್ ಆಗುತ್ತಿದೆ. ಅಂದ ಹಾಗೆ 1956ನೇ ಸಾಲಿನ ಈ ವಿಡಿಯೋ ಒಂದು ಕಪ್ಪು-ಬಿಳುಪು ಬಣ್ಣದ ಜಾಹೀರಾತು ವಿಡಿಯೋ ಆಗಿದೆ. ಇದನ್ನು ನೋಡಿ ಜನರೂ ಕೂಡ ಸಾಕಷ್ಟು ಆಶ್ಚರ್ಯ ವ್ಯಕ್ತಪಡಿಸುತ್ತಿದ್ದಾರೆ.

Refrigerator

1956 Viral Advertisement: ವಿಜ್ಞಾನ ಮುಂದುವರಿದಂತೆ ಹೊಸ ತಂತ್ರಜ್ಞಾನಗಳೂ ಅಭಿವೃದ್ಧಿಯಾಗುತ್ತಿವೆ. ದಿನನಿತ್ಯದ ಅಗತ್ಯ ವಸ್ತುಗಳೂ ಕೂಡ ಕಾಲಕ್ಕೆ ತಕ್ಕಂತೆ ಅಪ್ಗ್ರೇಡ್ ಆಗುತ್ತಿವೆ. ತಂತ್ರಜ್ಞಾನದ ಬದಲಾವಣೆಯಿಂದ ಯಾವುದೇ ಯಂತ್ರ ಅಥವಾ ವಸ್ತು ದಿನದಿಂದ ದಿನಕ್ಕೆ ಹೈಟೆಕ್ ಆಗುತ್ತಿದೆ. ಇಂತಹ ಪರಿಸ್ಥಿತಿಯಲ್ಲಿ, ನಿಮ್ಮ ಮನೆಯಲ್ಲಿ ನೀವು ಬಳಸುತ್ತಿರುವ ಫ್ರಿಡ್ಜ್ ಅನ್ನು ಮಾತ್ರ ತೆಗೆದುಕೊಂಡು ಇದನ್ನು ನಾವು ಈಗ 1956 ರಲ್ಲಿ ಅಂದರೆ ಸುಮಾರು 66 ವರ್ಷಗಳ ಹಿಂದೆ ತಯಾರಿಸಿದ ರೆಫ್ರಿಜರೇಟರ್‌ನೊಂದಿಗೆ ಹೋಲಿಕೆ ಮಾಡಿ ನೋಡಿ. ಇಂದಿನ ಫ್ರಿಡ್ಜ್‌ಗಳು ಇಂಧನ ಉಳಿತಾಯ ಅಂದರೆ ನಾಲ್ಕು ಸ್ಟಾರ್ ಅಥವಾ ಫೈವ್ ಸ್ಟಾರ್‌ಗಳನ್ನು ಹೊಂದಿದ್ದರು ಕೂಡ, 1950 ರ ದಶಕದಲ್ಲಿ ಜಗತ್ತಿನಲ್ಲಿ ಇದ್ದ ಫ್ರಿಡ್ಜ್ ಗೆ ಇದ್ದ ಶಕ್ತಿ ಅದಕ್ಕಿಲ್ಲ ಎಂಬಂತಿದೆ. ದೇಶಕ್ಕೆ ಸ್ವಾತಂತ್ರ್ಯ ಬಂದು ಕೇವಲ 3 ವರ್ಷಗಳಾಗಿದ್ದವು ಮತ್ತು ಆಗಿನ ಭಾರತ ಇಂದಿನ ಭಾರತದಷ್ಟು ಹೈಟೆಕ್ ಮತ್ತು ಅಭಿವೃದ್ಧಿ ಹೊಂದಿರಲಿಲ್ಲ.

ಇದನ್ನೂ ಓದಿ-OPPO ತರುತ್ತಿದೆ ಅದ್ಭುತ ವೈಶಿಷ್ಟ್ಯಗಳಿರುವ ಕಡಿಮೆ ಬೆಲೆಯ ಸ್ಮಾರ್ಟ್‌ಫೋನ್ .!

ವೈರಲ್ ಆಗುತ್ತಿರುವ ಜಾಹೀರಾತು ಇಲ್ಲಿದೆ
ಇತ್ತೀಚಿನ ದಿನಗಳಲ್ಲಿ ಸಾಮಾಜಿಕ ಮಾಧ್ಯಮಗಳಲ್ಲಿ 66 ವರ್ಷಗಳಷ್ಟು ಹಳೆಯದಾದ ಫ್ರಿಡ್ಜ್ ತೋರಿಸುವ ವಿಡಿಯೋವೊಂದು ವೈರಲ್ ಆಗುತ್ತಿದ್ದು, ಈ ಫ್ರಿಡ್ಜ್ ನೋಡಿದಾಗ ಆಧುನಿಕ ಫ್ರಿಡ್ಜ್ ಅನ್ನು ನೀವು ಮರೆತು ಬಿಡುವಿರಿ ಎಂಬಂತಿದೆ. ವಾಸ್ತವದಲ್ಲಿ, @lostinhist0ry ಹೆಸರಿನ ಟ್ವಿಟರ್ ಹ್ಯಾಂಡಲ್‌ ಮೂಲಕ ಈ ವೀಡಿಯೊವನ್ನು ಹಂಚಿಕೊಲ್ಲಲಾಗಿದೆ, ಇದರಲ್ಲಿ 66 ವರ್ಷಗಳ ಹಿಂದಿನ ಫ್ರಿಡ್ಜ್ ನ ಜಾಹೀರಾತನ್ನು ತೋರಿಸಲಾಗಿದೆ  ಈ 1 ನಿಮಿಷ 17 ಸೆಕೆಂಡ್ ವೀಡಿಯೋದಲ್ಲಿ ಎರಡು ವಿಷಯಗಳು ನಿಮಗೆ ಆಶ್ಚರ್ಯವನ್ನುಂಟು ಮಾಡುತ್ತವೆ, ಮೊದಲನೆಯದಾಗಿ ಇದು 1956 ರ ಜಾಹೀರಾತು ಮತ್ತು ಎರಡನೆಯದಾಗಿ ಆ ಕಾಲದ ಫ್ರಿಡ್ಜ್ ವ್ಯವಸ್ಥೆಯು ಹೇಗೆ ಇರುತ್ತಿತ್ತು ಎಂಬುದು.

Why’s this 66 year old fridge better than the one I got now pic.twitter.com/oFfu1CFfvI

— Lost in history (@lostinhist0ry) July 22, 2022

ಇದನ್ನೂ ಓದಿ-Google Pay, PhonePe ಬಳಸುವಾಗ ಈ ತಪ್ಪು ಆಗದಿರಲಿ ಎಚ್ಚರ .! ಇಲ್ಲವಾದರೆ ನಷ್ಟ ಖಂಡಿತಾ

ನಿಮಗೂ ಆಶ್ಚರ್ಯವಾಗುತ್ತದೆ
ಈಗ ನೀವು ಜಾಹೀರಾತನ್ನು ನೋಡಿರುವಿರಿ. ಭಾರತದ ಹಳ್ಳಿಗಳಲ್ಲಿ ವಿದ್ಯುತ್ ಕಂಬಗಳೇ ನಿರ್ಮಾಣವಾಗದೆ ಇದ್ದ ಸಂದರ್ಭದಲ್ಲಿ ಮತ್ತು  ಅದಕ್ಕೂ ಹತ್ತಾರು ವರ್ಷಗಳ ಹಿಂದೆ ಅಮೇರಿಕಾ ಮತ್ತು ಯೂರೋಪ್‌ನಲ್ಲಿ ಜಾಹೀರಾತು ಜಗತ್ತು ದೊಡ್ಡ ಲಾಭದಾಯಕ ವ್ಯವಹಾರವಾಗಿತ್ತು. ಈ ರೆಫ್ರಿಜರೇಟರ್ ಬಗ್ಗೆ ಹೇಳುವುದಾದರೆ.  ಇದು ಸಿಂಗಲ್ ಡೋರ್ ಫ್ರಿಡ್ಜ್ ಆಗಿದ್ದರೂ ಅದರೊಳಗೆ ಹಲವು ವಿಭಾಗಗಳಿದ್ದು, ಇಂದಿನ ಯುಗದಲ್ಲಿ ಫ್ರಿಡ್ಜ್ ಒಳಗಡೆ ಇಷ್ಟೊಂದು ಜಾಗ ಸಿಗುವುದು ಕನಸಿನ ಮಾತೇ ಸರಿ. ಅಷ್ಟೇ ಅಲ್ಲ, ಡಬಲ್ ಡೋರ್ ಇರುವ ಲಕ್ಷಗಟ್ಟಳೆ ಬೆಲೆ ಬಾಳುವ ಫ್ರಿಡ್ಜ್ ನಲ್ಲೂ ಬಹುಶಃ ಈ ಕೂಲ್ ಫ್ರಿಡ್ಜ್ ನಲ್ಲಿ ಇರುವಷ್ಟು ಜಾಗ ಇರುತ್ತದೆಯೋ ಅಥವಾ ಇಲ್ಲವೋ ಎಂಬುದು ಡೌಟ್. ಇದನ್ನು 60 ವರ್ಷಗಳ ಹಿಂದೆ ಭಾರಿ ಸಡಗರ ಮತ್ತು ಸಂಭ್ರಮದೊಂದಿಗೆ ಬಿಡುಗಡೆ ಮಾಡಲಾಗಿತ್ತು. ಇಂದಿನ ಫ್ರಿಡ್ಜ್ ಗಳಂತೆಯೇ ಬಾಗಿಲುಗಳ ಮೇಲೆ ಸಾಮಾನು ಇಡಲು ಸ್ಥಳವಿದೆ, ಆದರೆ ವಿಶೇಷವೆಂದರೆ ಬಾಗಿಲಿಗೆ ಕೆಲವು ಶಟರ್‌ಗಳಿದ್ದು, ಅವುಗಳಿಂದ ಎಲ್ಲಾ ಸರಕುಗಳನ್ನು ಮುಚ್ಚಲಾಗುತ್ತದೆ. ಬಹುತೇಕ ಇಂದಿನ ತರಕಾರಿ ಪೆಟ್ಟಿಗೆಯಂತೆಯೇ ಹೊರಬರುವ ತರಕಾರಿಗಳ ಪೆಟ್ಟಿಗೆಯನ್ನು ಕೆಳಭಾಗದಲ್ಲಿ ನೀಡಲಾಗಿದೆ. ಅದರಲ್ಲಿ ತರಕಾರಿಗಳನ್ನು ಅಂದವಾಗಿ ಪ್ರತ್ಯೇಕ ಇರಿಸಲಾಗುವ ವ್ಯವಸ್ಥೆ ಇದೆ. ಈ ಫ್ರಿಡ್ಜ್ ನಲ್ಲಿ ಐಸ್ ತೆಗೆಯುವ ಅದ್ಭುತ ತಂತ್ರಜ್ಞಾನವನ್ನು ಕೂಡ ನೀಡಲಾಗಿತ್ತು. ಐಸ್ ಟ್ರೇ ಅನ್ನು ತೋಡಿನಲ್ಲಿ ಇರಿಸಿ ಮತ್ತು ಅದನ್ನು ತಲೆಕೆಳಗಾಗಿ ಎಳೆದರೆ, ಐಸ್ ಕ್ಯೂಬ್ ಗಳು ಹೊರಬರುತ್ತದೆ.

ಇದನ್ನೂ ನೋಡಿ-