ನವದೆಹಲಿ: ಗೋದ್ರೇಜ್ ಸಮೂಹ ಹಣಕಾಸು ಸೇವಾ ಕ್ಷೇತ್ರಕ್ಕೆ ಪ್ರವೇಶಿಸಿದೆ. ಇದಕ್ಕಾಗಿ ಗೋದ್ರೇಜ್ ಸಮೂಹ ತನ್ನ ಹಣಕಾಸು ಕಂಪನಿ ಗೋದ್ರೇಜ್ ಹೌಸಿಂಗ್ ಫೈನಾನ್ಸ್‌ನಲ್ಲಿ 1500 ಕೋಟಿ ರೂ. ಹೂಡಿಕೆ ಮಾಡಿದೆ. ಇದರ ಜೊತೆಗೆ ದೇಶದಲ್ಲಿಯೇ ಅತ್ಯಂತ ಅಗ್ಗದ ವೇಳೆಯಲ್ಲಿ ಗೃಹ ಸಾಲ (Home Loan) ನೀಡುವುದಾಗಿ ಕಂಪನಿ ಹೇಳಿದೆ.
ಇದನ್ನು ಓದಿ- Home Loan ಪಡೆಯಲು ಇದು ಸರಿಯಾದ ಸಮಯ, HDFC ಸೇರಿದಂತೆ ಹಲವು ಬ್ಯಾಂಕ್ ಗಳ ಬಡ್ಡಿದರದಲ್ಲಿ ಮತ್ತೆ ಇಳಿಕೆ
SBI ಗಿಂತಲೂ ಕಡಿಮೆ ಬಡ್ಡಿದರಕ್ಕೆ ಸಾಲ
ಗೋದ್ರೆಜ್ ಗ್ರೂಪ್ ತನ್ನ ಹಣಕಾಸು ಕಂಪನಿಯ ಮೂಲಕ ಗೃಹ ಸಾಲವನ್ನು 6.69% ಕ್ಕೆ ನೀಡಲಿದೆ, ಇದು ಪ್ರಸ್ತುತ ಎಸ್‌ಬಿಐ ಅಥವಾ ಇನ್ನಾವುದೇ ಬ್ಯಾಂಕ್ ನೀಡುವ ಗೃಹ ಸಾಲ ಬಡ್ಡಿ ದರಕ್ಕಿಂತ ಕಡಿಮೆಯಾಗಿದೆ. ಆರಂಭದಲ್ಲಿ ಕಂಪನಿಯ ಗುರಿ ಗ್ರಾಹಕರಾಗಿದ್ದು, ಅವರು ಗುಂಪಿನ ರಿಯಲ್ ಎಸ್ಟೇಟ್ ಕಂಪನಿ ಗೋದ್ರೇಜ್ ಪ್ರಾಪರ್ಟೀಸ್‌ನಿಂದ ಫ್ಲ್ಯಾಟ್‌ಗಳನ್ನು ಖರೀದಿಸಲಿದ್ದಾರೆ. ಈ ಕುರಿತು ಹೇಳಿಕೆ ನೀಡಿರುವ ಗೋದ್ರೇಜ್ ಹೌಸಿಂಗ್ ಫೈನಾನ್ಸ್‌ನ ಅಧ್ಯಕ್ಷ ಪಿರೋಜ್ಜಾ ಗೋದ್ರೆಜ್, 'ನಾವು ರಿಯಲ್ ಎಸ್ಟೇಟ್ ವ್ಯವಹಾರದ ಬಗ್ಗೆ ಸಾಕಷ್ಟು ತಿಳುವಳಿಕೆಯನ್ನು ಪಡೆದುಕೊಂಡಿದ್ದೇವೆ ಎಂದು ನಾವು ಭಾವಿಸುತ್ತೇವೆ, ಈಗ ನಾವು ಸಂಪೂರ್ಣ ಕಾರ್ಯತಂತ್ರದೊಂದಿಗೆ ಹೊಸ ವ್ಯವಹಾರಕ್ಕೆ ಕಾಲಿಡುತ್ತಿದ್ದೇವೆ' ಎಂದು ಹೇಳಿದ್ದಾರೆ.
ಇದನ್ನು ಓದಿ- ಅತ್ಯಂತ ಕೆಳಮಟ್ಟಕ್ಕೆ ಕುಸಿದ Home Loan ಬಡ್ಡಿದರಗಳು, ಕನಸಿನ ಮನೆ ಖರೀದಿಗೆ ಇದು ಸೂಕ್ತ ಸಮಯವೇ?
ಈ ನಗರಗಳಿಂದ ಆರಂಭ
ಈ ಕುರಿತು ಮಾಹಿತಿ ನೀಡಿರುವ ಕಂಪನಿಯ ನೂತನ MD ಹಾಗೂ CEO ಮನೀಶ್ ಶಾಹ್, "ಪ್ರಸ್ತುತ, ಗ್ರಾಹಕರಿಗೆ ಅಗ್ಗದ ಮತ್ತು ಸುಲಭ ಸಾಲವನ್ನು ನೀಡುವುದು ನಮ್ಮ ಉದ್ದೇಶ. ಮಾರ್ಚ್ 2021 ರ ವೇಳೆಗೆ 1000 ಕೋಟಿ ಬಂಡವಾಳ ಸಾಧಿಸುವ ಗುರಿ ಹೊಂದಿದ್ದೇವೆ. ಪ್ರಾರಂಭವಾದ 3 ವರ್ಷಗಳಲ್ಲಿ 40,000 ಸಾಲ ಖಾತೆಗಳನ್ನು ಪಡೆಯಲು ಕಂಪನಿಯು ಉದ್ದೇಶಿಸಿದೆ, ಇದು ಸುಮಾರು 10,000 ಕೋಟಿ ರೂ. ಮೊತ್ತ ಹೊಂದಿದೆ. ಗೋದ್ರೇಜ್ ಹೌಸಿಂಗ್ ಫೈನಾನ್ಸ್ ಮುಂಬೈ, ದೆಹಲಿ-ಎನ್‌ಸಿಆರ್, ಪುಣೆ ಮತ್ತು ಬೆಂಗಳೂರಿನಿಂದ ಪ್ರಾರಂಭವಾಗಲಿದ್ದು, ಇದು ಇಡೀ ದೇಶದ ಅರ್ಧದಷ್ಟು ಮಾರುಕಟ್ಟೆಯಾಗಿದೆ, ನಂತರ ಅದನ್ನು ಇಡೀ ದೇಶಕ್ಕೆ ವಿಸ್ತರಿಸಲಾಗುವುದು ಎಂದು ಹೇಳಿದ್ದಾರೆ.
ಇದನ್ನು ಓದಿ- ದೀಪಾವಳಿ ವೇಳೆ ಮನೆ ಖರೀದಿಸಲು ಬಂಪರ್ ಅವಕಾಶ, ಈ 8 ಬ್ಯಾಂಕುಗಳಿಂದ ಕಡಿಮೆ ಬಡ್ಡಿದರದಲ್ಲಿ Home Loan ಆಫರ್
ಈಗ ದೇಶದ ಉಳಿದ ಬ್ಯಾಂಕುಗಳ ಬಡ್ಡಿದರಗಳನ್ನು ನೋಡೋಣ. ಪ್ರಸ್ತುತ ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾ ಅಗ್ಗದ ಗೃಹ ಸಾಲ ನೀಡುತ್ತಿದೆ, ಇದು 6.7% ರಿಂದ ಪ್ರಾರಂಭವಾಗಿದ್ದರೆ, ಎಸ್‌ಬಿಐನ ಗೃಹ ಸಾಲವು 6.95% ರಿಂದ ಪ್ರಾರಂಭವಾಗುತ್ತಿದೆ.
ಇದನ್ನು ಓದಿ- Home Loan ಇಎಂಐನಲ್ಲಿ ನಿಮಗೆ ಪರಿಹಾರ ಸಿಗುತ್ತದೆಯೇ?
ವಿವಿಧ ಬ್ಯಾಂಕ್ ಗಳ ಪ್ರಸ್ತುತ ಗೃಹಸಾಲ ಬಡ್ಡಿದರಗಳು ಇಂತಿವೆ
ಬ್ಯಾಂಕ್ ಬಡ್ಡಿ ದರ (ಶೇಕಡಾವಾರು)
- ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾ 6.70 - 7.15
- ಕೋಟಕ್ ಮಹೀಂದ್ರಾ ಬ್ಯಾಂಕ್ 6.75-8.45
- ಇಂಡಿಯನ್ ಬ್ಯಾಂಕ್ 6.85-8.40
- ಬ್ಯಾಂಕ್ ಆಫ್ ಬರೋಡಾ 6.85- 8.70
- ಸೆಂಟ್ರಲ್ ಬ್ಯಾಂಕ್ 6.85 - 9.05
- ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ 6.95- 7.50
