Anushka Shetty: ಅನುಷ್ಕಾ ಅಭಿಮಾನಿಗಳಿಗೆ ಗುಡ್ ನ್ಯೂಸ್.. ಸ್ವೀಟಿ 50ನೇ ಪ್ರಾಜೆಕ್ಟ್‌ ಆ ಹಿಟ್ ಸಿನಿಮಾದ ಸೀಕ್ವೆಲ್!

Anushka Shetty Upcoming Movies: ಇತ್ತೀಚೆಗಷ್ಟೇ ‘ಮಿಸ್ ಶೆಟ್ಟಿ ಮಿಸ್ಟರ್ ಪೋಲಿಶೆಟ್ಟಿ’ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದ ಸ್ವೀಟಿ ಈಗ ಮತ್ತೆ ತೆರೆ ಮೇಲೆ ಮಿಂಚಲು ರೆಡಿಯಾಗಿದ್ದಾರೆ..

Anushka Shetty: ‘ಬಾಹುಬಲಿ 2’ ಸಿನಿಮಾದ ನಂತರ ಅನುಷ್ಕಾ ಶೆಟ್ಟಿ ನಾಯಕಿಯಾಗಿ ಬಂದ ಸಿನಿಮಾ ‘ಭಾಗಮತಿ’. ಇದು ತೆಲುಗು ಮತ್ತು ತಮಿಳು ಭಾಷೆಗಳಲ್ಲಿ ಏಕಕಾಲದಲ್ಲಿ ಬಿಡುಗಡೆಯಾದ ದ್ವಿಭಾಷಾ ಚಿತ್ರವಾಗಿದೆ. ಚಿತ್ರವು ಭಾರೀ ನಿರೀಕ್ಷೆಯೊಂದಿಗೆ ಬಿಡುಗಡೆಯಾಯಿತು ಮತ್ತು ಯಶಸ್ವಿಯಾಯಿತು. ಇದು ಅನುಷ್ಕಾ ಇಮೇಜ್ ಇನ್ನಷ್ಟು ಬೆಳೆಯಲು ಕಾರಣವಾಯಿತು. ಜನವರಿ 26, 2018 ರಂದು ಬಿಡುಗಡೆಯಾದ ಈ ಚಿತ್ರದ ಎರಡನೇ ಭಾಗವು ಐದು ವರ್ಷಗಳ ನಂತರ ಘೋಷಣೆಯಾಗಲಿದೆ. 

ಸದ್ಯ ಹುಟ್ಟುಹಬ್ಬದ ಸಂಭ್ರಮದಲ್ಲಿರುವ ಅನುಷ್ಕಾ ಶೆಟ್ಟಿ ತನ್ನ 50ನೇ ಪ್ರಾಜೆಕ್ಟ್‌ಗಾಗಿ ಉತ್ತಮ ಲೇಡಿ ಓರಿಯೆಂಟೆಡ್ ಥ್ರಿಲ್ಲರ್ ಸಬ್ಜೆಕ್ಟ್ ಅನ್ನು ಆಯ್ಕೆ ಮಾಡಿಕೊಂಡಿದ್ದಾರೆ ಎನ್ನಲಾಗುತ್ತಿದೆ. ಅದೇ 'ಭಾಗಮತಿ 2'. 

ಇದನ್ನೂ ಓದಿ-Anushka Shetty Birthday: ಕಾರು, ಬಂಗಲೆ, ಫಾರ್ಮ್ ಹೌಸ್... ಸ್ವೀಟಿ ಎಷ್ಟು ಕೋಟಿ ಆಸ್ತಿ ಒಡತಿ ಗೊತ್ತಾ?

ಟಾಲಿವುಡ್ ನಲ್ಲಿ ಹೀರೋಗಳಿಗೆ ಸರಿಸಮನಾದ ಇಮೇಜ್ ಗಿಟ್ಟಿಸಿಕೊಳ್ಳುವ ನಾಯಕಿಯರು ತೀರಾ ವಿರಳ. ಅಂತಹ ಅಪರೂಪದ ನಟಿ ಅನುಷ್ಕಾ ಶೆಟ್ಟಿ. ಅನುಷ್ಕಾ ತಮ್ಮ ಸೌಂದರ್ಯ, ನಟನೆ ಮತ್ತು ಯಶಸ್ಸಿನಿಂದ ನಾಯಕರಿಗೆ ಸರಿಸಮನಾದ ಇಮೇಜ್ ಗಳಿಸಿದ್ದಾರೆ. 

ಇದನ್ನೂ ಓದಿ-ರಾಮ್ ಚರಣ್ ಸಿನಿಮಾ 'ಗೇಮ್ ಚೇಂಜರ್' ಸಾಂಗ್ ಲೀಕ್..! ಇಬ್ಬರ ಬಂಧನ ‌

ಒಂದೆಡೆ, ಬಹುತೇಕ ಎಲ್ಲಾ ಸ್ಟಾರ್ ಹೀರೋಗಳೊಂದಿಗೆ ಬ್ಲಾಕ್‌ಬಸ್ಟರ್ ಹಿಟ್‌ಗಳನ್ನು ಮಾಡಿದ ನಟಿ ಇತ್ತೀಚೆಗೆ ಮಾತ್ರ ಟಾಲಿವುಡ್‌ನಲ್ಲಿ ಹೀರೋಯಿನ್ ಓರಿಯೆಂಟೆಡ್ ಸಿನಿಮಾಗಳ ಮೂಲಕ ಪ್ರಭಾವ ಬೀರುತ್ತಿದ್ದಾರೆ. ‘ವೇದಂ’ ಚಿತ್ರದಲ್ಲಿ ಸರೋಜಾ ಪಾತ್ರದಲ್ಲಿ ಅನುಷ್ಕಾ ಅವರ ಅಭಿನಯ ವಿಮರ್ಶಕರ ಮೆಚ್ಚುಗೆಗೆ ಪಾತ್ರವಾಗಿತ್ತು. 'ಅರುಂಧತಿ', 'ವೇದಂ' ಮತ್ತು 'ರುದ್ರಮದೇವಿ' ಚಿತ್ರಗಳಲ್ಲಿನ ಅಭಿನಯಕ್ಕಾಗಿ ಅವರು ಫಿಲ್ಮ್‌ಫೇರ್ ಪ್ರಶಸ್ತಿಗಳನ್ನು ಪಡೆದರು.

ಇನ್ನು ಅನುಷ್ಕಾ ಸುದೀರ್ಘ ಬ್ರೇಕ್ ತೆಗೆದುಕೊಂಡು ‘ಮಿಸ್ ಶೆಟ್ಟಿ ಮಿಸ್ಟರ್ ಪೋಲಿಶೆಟ್ಟಿ’ ಸಿನಿಮಾ ಮೂಲಕ ಇತ್ತೀಚೆಗೆ ಪ್ರೇಕ್ಷಕರ ಮುಂದೆ ಬಂದಿದ್ದರು. ಈ ಸಿನಿಮಾದಲ್ಲಿ ಅನುಷ್ಕಾ ಅವರ ಸೌಂದರ್ಯ ಹಾಗೂ ನಟನೆ ನೋಡಿದ ಮೇಲೆ ಅವರಲ್ಲಿ ಯಾವುದೇ ಬದಲಾವಣೆ ಆಗಿಲ್ಲ ಎಂದು ಎಲ್ಲರೂ ಹೇಳಿದ್ದರು. ಆದರೆ, ಈಗ ಅನುಷ್ಕಾ ಮತ್ತೆ ಫಾರ್ಮ್‌ಗೆ ಮರಳಿದ್ದಾರೆ. ಸಾಲು ಸಾಲು ಸಿನಿಮಾದ ಅವಕಾಶಗಳು ಅವರಿಗೆ ಒಲಿದು ಬರುತ್ತಿವೆ. ಇದರ ಭಾಗವಾಗಿ 'ಭಾಗಮತಿ 2' ಮೊದಲು ಬರುತ್ತಿದ್ದು, ಈ ಚಿತ್ರವನ್ನು ಇಂದು ಅಂದರೆ ಅನುಷ್ಕಾ ಹುಟ್ಟುಹಬ್ಬದಂದು ಅನೌನ್ಸ್‌ ಮಾಡಲಾಗುತ್ತಿದೆ..