ಕುಡಿದ ಮತ್ತಿನಲ್ಲಿ ರಸ್ತೆಯಲ್ಲಿ ಸಿಕ್ಕ ಹಾವನ್ನೇ ಬೆಲ್ಟ್‌ ಮಾಡಿಕೊಂಡ ಮದ್ಯ ಪ್ರಿಯ..! ವಿಡಿಯೋ ವೈರಲ್‌

Snake Viral video : ಕುಡುಕನೊಬ್ಬ ತನ್ನ ಸೊಂಟಕ್ಕೆ ಹಾವನ್ನು ಸುತ್ತಿಕೊಂಡು ಸ್ಥಳೀಯರಿಗೆ ಆತಂಕ ಸೃಷ್ಟಿಸಿದ್ದಾನೆ. ಅಷ್ಟಕ್ಕೇ ಅಲ್ಲದೆ.. ನಡು ರಸ್ತೆಯಲ್ಲೇ ಹಾವಿಗೆ ಮುತ್ತಿಟ್ಟಿದ್ದಾನೆ. ಈ ಕುರಿತ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

Drunk man holds snake viral video : ವಿಷಕಾರಿ ಹಾವುಗಳನ್ನು ಕಂಡರೆ ಬಹುತೇಕ ಜನರು ಭಯದಿಂದ ನಡುಗುತ್ತಾರೆ. ಹಾವು ಕಡಿದು ಸತ್ತವರೂ ಇದ್ದಾರೆ. ಇನ್ನು ಕೆಲವರು ಹಾವುಗಳನ್ನು ಕಂಡರೆ ಅವುಗಳನ್ನು ಹಿಡಿದು ಆಟವಾಡುತ್ತಾರೆ, ಕುತ್ತಿಗೆಗೆ ಸುತ್ತಿಕೊಂಡು ತಮಾಷೆ ಮಾಡುತ್ತಾರೆ.. ಅದರೆ, ವಿಷ ರಹಿತ ಹಾವಿನ ಜೊತೆ ಇದೇಲ್ಲ ಮಾಡಬಹುದು.. ಘಟ ಸರ್ಪಗಳ ಜೊತೆ ಆಟವಾಡಲು ಹೋದ್ರೆ ಸಾವು ಕಟ್ಟಿಟ್ಟ ಬುತ್ತಿ..

ಮಳೆಗಾಲದಲ್ಲಿ ಹೊಲ, ಗದ್ದೆಗಳಲ್ಲಿ ಹೆಚ್ಚಾಗಿ ಹಾವುಗಳು ಕಂಡು ಬರುತ್ತವೆ.. ಈ ಅವಧಿಯಲ್ಲಿ ರೈತರು ಹಾವು ಕಡಿತಕ್ಕೆ ಒಳಗಾಗಿ ಸಾಯುವುದೇ ಹೆಚ್ಚು. ಆದರೆ.. ಕೆಲವು ಮಾದಕ ವ್ಯಸನಿಗಳು ಕುಡಿದ ಮತ್ತಿನಲ್ಲಿ ಹಾವನ್ನು ಹಿಡಿದು ವಿಚಿತ್ರವಾಗಿ ವರ್ತಿಸುತ್ತಾರೆ. ಪ್ರಾಣದ ಹಂಗು ತೊರೆದು ಅವುಗಳ ಜೊತೆ ಆಟವಾಡುತ್ತಾರೆ..

ಇದನ್ನೂ ಓದಿ:ಆ ಭಾಗವನ್ನು ಬಾಡಿಗಾರ್ಡ್ ಅಸಭ್ಯವಾಗಿ ಮುಟ್ಟಿದ..! ಕಹಿ ಅನುಭವ ಹಂಚಿಕೊಂಡ ಸ್ಟಾರ್‌ ನಟಿ

ಕುಡಿದ ಮತ್ತಿನಲ್ಲಿ ಕೆಲವರು ಹಾವುಗಳೊಂದಿಗೆ ಆಟವಾಡುವ ವೀಡಿಯೊಗಳು ಈ ಹಿಂದೆ ಸುದ್ದಿಯಾಗಿದ್ದವು. ಇತ್ತೀಚೆಗಷ್ಟೇ ಆಂಧ್ರ ಪ್ರದೇಶದಲ್ಲಿ ಮಾದಕ ವ್ಯಸನಿಯೊಬ್ಬ ಎಣ್ಣೆಯ ನಿಶೆಯಲ್ಲಿ ರಸ್ತೆಗೆ ಬಂದ ಹಾವನ್ನು ಹಿಡಿದು ಮುತ್ತು ಕೊಟ್ಟಿದ್ದಾನೆ. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. 

View this post on Instagram

A post shared by Yaswanth Reddy Nagireddy (@yaswanth._)

ಆಂಧ್ರಪ್ರದೇಶದ ಕಡಪಜಿಲ್ಲಾದ ಜಮ್ಮಲ ಖಾರಿಯಲ್ಲಿ ಈ ಘಟನೆ ನಡೆದಿದೆ ಎನ್ನಲಾಗಿದೆ. ಮದ್ಯ ಪ್ರಿಯನೊಬ್ಬನಿಗೆ ರಸ್ತೆಯಲ್ಲಿ ಹಾವು ಕಂಡಿದೆ. ಸ್ವಲ್ಪವೂ ಭಯ ಪಡದೆ, ಅದನ್ನು ಕೈಗೆ ತೆಗೆದುಕೊಂಡು ಸೊಂಟಕ್ಕೆ ಬೆಲ್ಟ್‌ನಂತೆ ಸುತ್ತಿಕೊಂಡು, ರಜನಿಕಾಂತ್ ಸ್ಟೈಲ್‌ನಲ್ಲಿ ಇನ್ನೊಂದು ಕೈಯಲ್ಲಿ ಸಿಗರೇಟ್ ಹಚ್ಚಿ ಹಾವಿಗೆ ಮುತ್ತಿಟ್ಟಿದ್ದಾನೆ.

ಇದನ್ನೂ ಓದಿ:ನಾಳೆ ಪರಪ್ಪನ ಅಗ್ರಹಾರ ಜೈಲಿಗೆ ದರ್ಶನ್‌ & ಗ್ಯಾಂಗ್‌ ಶಿಫ್ಟ್‌!?

ಬಿಗ್‌ ಟ್ವಿಸ್ಟ್ ಏನೆಂದರೆ ಹಾವು ಕೂಡ ಆತನಿಗೆ ಯಾವುದೇ ಹಾನಿ ಮಾಡಿಲ್ಲ. ರಸ್ತೆಯಲ್ಲಿದ್ದ ಜನರು ಆತನ ಚೇಷ್ಟೆಗಳನ್ನು ಮೊಬೈಲ್‌ನಲ್ಲಿ ಸೆರೆ ಹಿಡಿದಿದ್ದಾರೆ. ಇದೀಗ ಈ ಕುರಿತ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ನೆಟ್ಟಿಗರು ಜೀವದ ಜೊತೆ ತಮಾಷೆ ಬೇಡ ಅಂತ ಕುಡುಕನಿಗೆ ಕಾಮೆಂಟ್‌ ಮೂಲಕ ಬುದ್ದಿ ಹೇಳುತ್ತಿದ್ದಾರೆ.