BBK10 Finalist: ಫಿನಾಲೆಗೆ ವರ್ತೂರು ಸಂತೋಷ್ ಗ್ರ್ಯಾಂಡ್‌ ಎಂಟ್ರಿ.. ಹಾಗಾದ್ರೆ ಹೊರ ಹೋದವರು ಯಾರು?

Bigg Boss Kannada Season 10 Finalist : ಬಿಗ್ ಬಾಸ್ ಕನ್ನಡ ಸೀಸನ್ 10 ಕೊನೆಯ ಹಂತಕ್ಕೆ ತಲುಪಿದೆ. ಫಿನಾಲೆ ವೀಕ್‌ಗೆ ಯಾರು ಎಂಟ್ರಿ ಕೊಡುತ್ತಾರೆ ಎಂಬುದನ್ನು ನೋಡಲು ವೀಕ್ಷಕರು ಕಾದು ಕುಳಿತಿದ್ದಾರೆ. ಯಾರು ಈ ವಾರ ಹೊರ ನಡೆಯುತ್ತಾರೆ ಎನ್ನುವ ಲೆಕ್ಕಾಚಾರವೂ ಆರಂಭ ಆಗಿದೆ. ಸಂಗೀತಾ ಶೃಂಗೇರಿ, ಕಾರ್ತಿಕ್ ಮಹೇಶ್, ನಮ್ರತಾ ಗೌಡ, ವಿನಯ್ ಗೌಡ, ವರ್ತೂರು ಸಂತೋಷ್, ತುಕಾಲಿ ಸಂತೋಷ್, ಡ್ರೋನ್ ಪ್ರತಾಪ್ ಮನೆಯಲ್ಲಿದ್ದಾರೆ. ಈ ಪೈಕಿ ಸಂಗೀತಾ ಹಾಗೂ ತುಕಾಲಿ ಫಿನಾಲೆಗೆ ಎಂಟ್ರಿ ಕೊಟ್ಟಿದ್ದಾರೆ. 

ಇನ್ನುಳಿದಂತೆ ಕಾರ್ತಿಕ್ ಮಹೇಶ್, ನಮ್ರತಾ ಗೌಡ, ವಿನಯ್ ಗೌಡ, ವರ್ತೂರು ಸಂತೋಷ್, ಡ್ರೋನ್ ಪ್ರತಾಪ್ ಉಳಿದುಕೊಂಡಿದ್ದರು. ಈ ಐದು ಜನರಲ್ಲಿ ಮೂವರಿಗೆ ಮಾತ್ರ ಬಿಗ್‌ ಬಾಸ್‌ ಫಿನಾಲೆಗೆ ಹೋಗುವ ಚಾನ್ಸ್‌ ಇತ್ತು. ಇದರಲ್ಲಿ ಇಂದು ಒಬ್ಬರು ಫಿನಾಲೆಗೆ ಕಾಲಿಟ್ಟಿದ್ದಾರೆ. ಎಲ್ಲರೂ ಈ ವಾರ ಹೊರ ಹೋಗಬಹುದೆಂದು ಭಾವಿಸಿದ್ದ ವರ್ತೂರು ಸಂತೋಷ್‌ ಫಿನಾಲೆಗೆ ಗ್ರ್ಯಾಂಡ್‌ ಎಂಟ್ರಿಕೊಟ್ಟಿದ್ದಾರೆ.

ಇದನ್ನೂ ಓದಿ: BBK10 Finale: ಬಿಗ್‌ ಬಾಸ್ ಕನ್ನಡ ವಿನ್ನರ್ ಗೆ 50 ಲಕ್ಷ ಹಣದ ಜೊತೆ ಸಿಗಲಿದೆ ಈ ದುಬಾರಿ ಗಿಫ್ಟ್.!

ವರ್ತೂರು ಸಂತೋಷ್‌ ಫಿನಾಲೆಗೆ ಕಾಲಿಟ್ಟಿದ್ದು ತುಕಾಲಿ ಸಂತು ಅವರ ಸಂತಸಕ್ಕೆ ಕಾರಣವಾಗಿದೆ. ವರ್ತೂರು ಸಂತೋಷ್‌ ಕೂಡ ತುಂಬಾ ಸಂತಸದಿಂದ ಈ ಕ್ಷಣವನ್ನು ಸೆಲಿಬ್ರೇಟ್‌ ಮಾಡಿದ್ದಾರೆ. ವರ್ತೂರು ಸಂತೋಷ್‌ ಬಿಗ್‌ ಬಾಸ್‌ ಕನ್ನಡ ಸೀಸನ್‌ 10 ರ ಮೂರನೇ ಫೈನಲಿಸ್ಟ್‌ ಆಗಿದ್ದಾರೆ.

ಬಿಗ್‌ ಬಾಸ್‌ ಕನ್ನಡ 10 ರ ಕೊನೆಯ ಕಿಚ್ಚನ ಪಂಚಾಯ್ತಿಯಲ್ಲಿ ವರ್ತೂರು ಸಂತೋಷ್‌ ಅವರನ್ನು ಸುದೀಪ್‌ ಸೇವ್‌ ಮಾಡಿದರು. ಇದೀಗ ಡೇಂಜರ್‌ ಝೋನ್‌ನಲ್ಲಿ ಕಾರ್ತಿಕ್, ನಮ್ರತಾ, ವಿನಯ್ ಹಾಗೂ ಪ್ರತಾಪ್ ಉಳಿದುಕೊಂಡಿದ್ದಾರೆ. ಇವರಲ್ಲಿ ಇನ್ನು ಯಾರಿಬ್ಬರು ಫಿನಾಲೆಗೆ ಎಂಟ್ರಿ ಕೊಡುತ್ತಾರೆ ಮತ್ತು ಯಾರು ಮನೆಯಿಂದ ಎಲಿಮಿನೇಟ್‌ ಆಗಿ ಹೊರ ನಡೆಯುತ್ತಾರೆ ಎಂಬ ಕುತೂಹಲ ಹೆಚ್ಚಾಗಿದೆ. 

ಇದನ್ನೂ ಓದಿ: ಬಿಗ್‌ ಬಾಸ್‌ ಕನ್ನಡ 10: ಟಾಪ್‌ 5 JioCinema FunFryday ಟಾಸ್ಕ್‌ಗಳು!!