ಬಿಗ್‌ ಬಾಸ್‌: ಮ್ಯಾನ್‌ ಹ್ಯಾಂಡಲಿಂಗ್‌ ಮಾಡಲು ಯತ್ನಿಸಿದ್ರಾ ವಿನಯ್?‌ ಕಾರ್ತಿಕ್‌ ಮೇಲೆ ಮದವೇರಿದ ಆನೆಯಂತೆ ದಾಳಿ!!

ಬಿಗ್‌ ಬಾಸ್‌ ಕನ್ನಡ ಸೀಸನ್‌ 10 : ವಿನಯ್‌ ಆಟ ದಿನದಿಂದ ದಿನಕ್ಕೆ ಅಪಾಯಕಾರಿಯಾಗುತ್ತಿದೆ. ಮನೆಯವರ ಮೇಲೆ ತಮ್ಮ ದರ್ಪ ತೋರುವುದನ್ನು ವಿನಯ್‌ ಮುಂದುವರೆಸಿದ್ದಾರೆ. ಆನೆ ಎಂದು ಬಿರುದು ಕೊಟ್ಟಿದ್ದೇ ತಡ ಮದವೇರಿದ ಸಲಗದಂತೆ ವರ್ತಿಸುತ್ತಿದ್ದಾರೆ.

Bigg Boss Vinay Karthik Fight : ಬಿಗ್‌ ಬಾಸ್‌ ಮನೆ ಈ ವಾರ ಅಕ್ಷರಶಃ ಯುದ್ಧ ಭೂಮಿಯಾಗಿದೆ. ಹಳ್ಳಿ ಜೀವನದ ಸುಂದರವಾದ ಟಾಸ್ಕ್‌ನ್ನು ಬಿಗ್‌ ಬಾಸ್‌ ನೀಡಿದ್ದಾರೆ. ಶಾಂತವಾದ ಹಳ್ಳಿಯ ಜೀವನದಲ್ಲಿ ರೋಷಾವೇಷದ ಆರ್ಭಟ ಜೋರಾಗಿದೆ. ಒಬ್ಬರ ಮೇಲಬ್ಬರು ಕತ್ತಿ ಮಸಿಯುತ್ತ ದ್ವೇಷ ಕಾರುತ್ತಿದ್ದಾರೆ. ಮನೆಯ ಸದಸ್ಯರನ್ನು ಎರಡು ಗುಂಪುಗಳಲ್ಲಿ ವಿಂಗಡಿಸಲಾಗಿದೆ. ಒಂದು ಗುಂಪಿಗೆ ವಿನಯ್‌ ಲೀಡರ್‌, ಮತ್ತೊಂದಕ್ಕೆ ಸಂಗೀತಾ ಶೃಂಗೇರಿ ನಾಯಕಿ ಆಗಿದ್ದಾರೆ. 

ಹಳ್ಳಿ ಜೀವನದಲ್ಲಿ ಮಾಡುವ ಸಾಮಾನ್ಯ ಕೆಲಸಗಳನ್ನೇ ಟಾಸ್ಕ್‌ ರೂಪದಲ್ಲಿ ನೀಡಲಾಗುತ್ತಿದೆ. ಇದಕ್ಕೆ ಬೇಕಾದ ಸಾಮಗ್ರಿಗಳನ್ನು ಮುಖ್ಯದ್ವಾರದ ಬಳಿ ಒಂದು ಕಿಂಡಿ ಮೂಲಕ ಕಳಿಸಲಾಗುತ್ತಿದೆ. ಈ ಸಾಮಗ್ರಿಗಳನ್ನು ತೆಗೆದುಕೊಳ್ಳುವ ವೇಳೆ ವಿನಯ್‌ ಮತ್ತು ಕಾರ್ತಿಕ್‌ ಜಗಳವಾಡಿದ್ದಾರೆ. ನೂಕಾಟ ತಳ್ಳಾಟ ನಡೆದಿವೆ. ಇದು ಬಿಗ್‌ ಬಾಸ್‌ ಇತರ ಸ್ಪರ್ಧಿಗಳ ಆತಂಕಕ್ಕೆ ಕಾರಣವಾಗಿದೆ. 

ವಿನಯ್, ಕಾರ್ತಿಕ್, ನಮ್ರತಾ, ಸಂಗೀತಾ ನಡುವೆ ದೇಷದ ಬೆಂಕಿಯೇ ಹೊತ್ತಿಕೊಂಡಿದೆ. ಕೆಳಮಟ್ಟದ ಮಾತುಗಳನ್ನು ಆಡುವವರೆಗೆ ಈ ಜಗಳ ತಾರಕಕ್ಕೇರಿತ್ತು. ಆ ಬಳಿಕ ಬಿಗ್‌ ಬಾಸ್‌ ಸೂಚಿಸಿದಂತೆ ಮಣ್ಣಿನ ಪಾತ್ರೆಗಳನ್ನು ಎರಡೂ ತಂಡದವರು ಮಾಡಿದ್ದರು. ಸಂಗೀತಾ ಅವರ ಟೀಂ ಮೊದಲು ಮಾಡಿ ಮುಗಿಸಿದರು. ಇದನ್ನು ಪರಿಶೀಲಿಸುವಂತೆ ವನಯ್‌ ಅವರಲ್ಲಿ ಮನೆವಿ ಮಾಡಿದರು. 

ಇದನ್ನೂ ಓದಿ : ಬಿಗ್‌ಬಾಸ್‌ ಮಾಜಿ ಸ್ಪರ್ಧಿ ಮೇಲೆ ಅತ್ಯಾಚಾರ, ಕೊಲೆ ಬೆದರಿಕೆ..!

ವಿನಯ್‌ ಈ ಅವರಿ ಮಾಡಿದ ಯಾವ ಪಾತ್ರೆಗಳು ಸರಿಯಿಲ್ಲ ಎಂದರು. ಇದು ಸಂಗೀತಾ ಅವರಿಗೆ ಟ್ರಿಗರ್‌ ಆಯ್ತು. ತನಿಷಾ ಕೂಡ ಬೇಕಂತಲೇ ಸರಿಯಿಲ್ಲ ಎಂದ್ರೆ ಹೇಗೆ ಎಂದು ಪ್ರಶ್ನಿಸಿದರು. ನಂತರ ವಿನಯ್‌ ಒಂದು ಪಾತ್ರಯನ್ನು ಮುಟ್ಟಿದಾಗ ಸಂಗೀತಾ ಅವರ ಕೈಯನ್ನು ತಳ್ಳಿದ್ದಾರೆ. ಆಗ ಸಂಗೀತಾ ಮತ್ತು ವಿನಯ್‌ ನಡುವೆ ಮಹಾಯುದ್ಧವೆ ನಡೆಯಿತು. 

ನಂತರ ಬೆರಣಿ ತಟ್ಟುವ ಟಾಸ್ಕ್‌ನ್ನು ಬಿಗ್‌ ಬಾಸ್‌ ನೀಡಿದ್ದರು. 30 ಬೆರಣಿಗಳನ್ನು ತಟ್ಟಬೇಕಿತ್ತು. ಈ ಬೆರಣಿಗಳನ್ನು ತಟ್ಟಿ ಸಂಗೀತಾ ಟೀಂ ಅವುಗಳ ರಕ್ಷಣೆ ಮಾಡುತ್ತಿದ್ದರು. ಆಗ ಬಂದ ವಿನಯ್‌ ಅವರನ್ನು ತಡೆಯಲು ಕಾರ್ತಿಕ್‌ ಹೋದಾಗ ಒಬ್ಬರಿಗೊಬ್ಬರು ಡಿಕ್ಕಿ ಹೊಡೆದರು. ಆಗ ವಿನಯ್‌ ಕಾರ್ತಿಕ್‌ ಅವರನ್ನ ಪುನಃ ಪುನಃ ತಳ್ಳಿದರು. ಭುಜದಿಂದ ಕಾರ್ತಿಕ್‌ ಅವರನ್ನು ತಳ್ಳುವ ಪರಿ ವೀಕ್ಷಕರಲ್ಲಿ ಅಸಮಾಧಾನ ಮೂಡಿಸಿದೆ. ಒಂದು ರೀತಿ ವಿನಯ್‌ ಮ್ಯಾನ್‌ ಹ್ಯಾಂಡಲಿಂಗ್‌ ಮಾಡಲು ಯತ್ನಿಸಿದವರಂತೆ ತೋರಿದೆ. ಅಲ್ಲದೇ ಇದಕ್ಕೂ ಮುನ್ನ ನಮ್ರತಾ ಬಳಿ ನಿಂತು ಒಂದು ಪಂಚ್‌ ಕೊಟ್ಟಿದ್ದರೆ ಮುಖ ಮೂತಿ ಒಡಿತಿತ್ತು. ಆದರೆ ಇಲ್ಲಿ ರೂಲ್ಸ್‌ ಇದೆ ಎಂದು ಹೇಳುತ್ತಿದ್ದರು.

ವಿನಯ್‌ ಅವರ ಈ ದರ್ಪ ಅವರಿಗೆ ಮುಳುವಾಗುತ್ತಿದೆ. ಬಿಗ್‌ ಬಾಸ್‌ ವೀಕ್ಷಕರ ಅಸಮಾಧಾನಕ್ಕೆ ಕಾರಣವಾಗತ್ತಿದೆ. ಅಲ್ಲದೇ, ಮನೆಯೊಳಗಿರುವ ಇತರ ಸ್ಪರ್ಧಿಗಳಲ್ಲಿ ಭಯ ಹುಟ್ಟಿಸುವಂತಿದೆ ಎಂಬೆಲ್ಲ ಆರೋಪಗಳು ಕೇಳಿಬರುತ್ತಿವೆ.

ಇದನ್ನೂ ಓದಿ :  ʼಈ ಸೀರಿಯಲ್ ಡೈಲಾಗ್‌ ನನ್ ಹತ್ರ ಬೇಡ ́ ಎಂದು ವಿನಯ್‌ ಅವಾಜ್‌ : ಕಣ್ಣೀರಟ್ಟ ಭಾಗ್ಯಶ್ರೀ

ಈ ಬೆರಣಿ ಟಾಸ್ಕ್ ನಲ್ಲಿ ವಿನಯ್ ಅವರ ತಂಡ ಮೊದಲು ಮುಗಿಸಿತು. ಇದನ್ನು ಪರಿಶೀಲಿಸಲು ಬಂದ ಸಂಗೀತಾ ಒಂದು ಬೆರಣಿ ಸರಿಯಲ್ಲ ಎಂದು ಕೆಡೆಸಿದರು. ನಂತರ ಸಂಗೀತಾ ತಂಡ ತಟ್ಟಿದ ಬೆರಣಿಗಳನ್ನು ಪರಿಶೀಲಿಸಲು ಬಂದ ವಿನಯ್‌ ಕೂಡ ಒಂದೆರಡು ಸರಿಯಿಲ್ಲ ಎಂದು ತೆಗೆದುಹಾಕಿದರು. 

ಬಳಿಕ ಎರಡೂ ತಂಡಗಳು ಮತ್ತೆ ಬೆರಣಿ ತಟ್ಟಿ ರೆಡಿಯಾದವು. ಆಗ ನೋಡಲು ಬಂದ ವಿನಯ್‌ ಮೊದಲು ಸರಿ ಎಂದಿದ್ದ ಬೆರಣಿಯನ್ನೂ ಸಹ ಕೆಡೆಸಿದರು. ಇದರಿಂದ ಅಸಮಾಧಾನಗೊಂಡ ಸಂಗೀತಾ ಸಹ ಅವರ ತಂಡ ಮಾಡಿದ ಹೊಸ ಬೆರಣಿ ಜೊತೆ ಹಳೆಯ ಒಂದು ಬೆರಣಿ ಹಾಳು ಮಾಡಿದರು. ಇದರಿಂದ ರೊಚ್ಚಿಗೆದ್ದ ವಿನಯ್‌ ಸಂಗೀತಾ ಟೀಂ ಮಾಡಿದ ಎಲ್ಲ ಬೆರಣಿಗಳನ್ನು ಹಾಳುಮಾಡಿದರು. ಇದನ್ನು ಕಂಡ ಸಂಗೀತಾ ಸಹ ಇತ್ತ ವಿನಯ್‌ ಟೀಂ ನ ಎಲ್ಲ ಬೆರಣಿಗಳನ್ನು ಹಾಳು ಮಾಡಿದರು.