ಜೈಲರ್ ಬಾಕ್ಸ್ ಆಫೀಸ್ ಕಲೆಕ್ಷನ್‌; 650 ಕೋಟಿ ಕ್ಲಬ್‌ ಸೇರುವತ್ತ ತಲೈವಾ ಚಿತ್ರ..!

Jailer Collection : ಜೈಲರ್‌ ಸಿನಿಮಾ ಭಾಕ್ಸಾಫೀಸ್‌ನಲ್ಲಿ ಎಲ್ಲ ದಾಖಲೆಗಳನ್ನು ಉಢೀಸ್‌ ಮಾಡುತ್ತಿದೆ. ರಿಲೀಸ್‌ ಆದಾಗಿನಿಂದಲೂ ಭರ್ಜರಿ ರೆಸ್ಪಾನ್ಸ್‌ ಪಡೆಯುತ್ತಿರುವ ಸಿನಿಮಾ ಇದೀಗ 650 ಕೋಟಿ ಮೈಲಿಗಲ್ಲಿನತ್ತ ಸಾಗುತ್ತಿದೆ.

Jailer : ರಜನಿಕಾಂತ್‌ ಅಭಿನಯದ ಜೈಲರ್‌ ಸಿನಿಮಾ ಬಿಡುಗಡೆಗೂ ಮುನ್ನವೇ ತನ್ನ ದೊಡ್ಡ ತಾರಾಬಳಗದಿಂದ ಹವಾ ಮಾಡಿತ್ತು. ಸದ್ಯ ಈ ಸಿನಿಮಾ ಬಿಡುಗಡೆಯಾಗಿ 26 ದಿನಗಳಾದರೂ ಚಿತ್ರ ಅದೇ ಮಾರ್ಗದತ್ತ ಸಾಗುತ್ತಿದ್ದು, ಇದೀಗ  640 ಕೋಟಿ ರೂಗಿಂತ ಅಧಿಕ ಕಲೆಕ್ಷನ್‌ ಮಾಡಿ ಶೀಘ್ರದಲ್ಲೇ 650 ಕೋಟಿ ಕ್ಲಬ್ ಸೇರುವ ನಿರೀಕ್ಷೆಯನ್ನು ಹೆಚ್ಚಿಸಿದೆ. 

ಆಗಸ್ಟ್‌ 10 ಕ್ಕೆ ವಿಶ್ವದಾದ್ಯಂತ ಬಿಡುಗಡೆಯಾದ ಸಿನಿಮಾ ರಜನಿಕಾಂತ್‌ ಅವರಿಗೆ ಬಿಗ್‌ ಬ್ರೇಕ್‌ ನೀಡಿದೆ. ಹೌದು ಅನ್ನಾತೆ ಸೋಲಿನ ಬಳಿಕ ತಲೈವಾ ಕೈ ಹಿಡಿದಿದ್ದು ಇದೇ ಸಿನಿಮಾ. ಇನ್ನು ಈ ಸಿನಿಮಾದ ಬಾಕ್ಸ್ ಆಫೀಸ್‌ ಗಳಿಕೆಯನ್ನು ಮನೋಬಾಲಾ ವಿಜಯಬಾಲನ್ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.  

ಇದನ್ನೂ ಓದಿ-Kaatera: 'ಕಾಟೇರನಿ'ಗೆ ದಾರಿಬಿಡಿ...! ಡಿ ಬಾಸ್‌ ಅಭಿಮಾನಿಗಳು ಕಾಯುತ್ತಿರುವ ಆ ಟೈಮ್ ಬಂದೇಬಿಡ್ತು

ಮನೋಬಾಲಾ ವಿಜಯಬಾಲನ್ ವರದಿಯ ಪ್ರಕಾರ, ಮೊದಲ ವಾರದಲ್ಲಿ ಜೈಲರ್‌ ವಿಶ್ವಾದ್ಯಂತ 450.8 ಕೋಟಿ ಗಳಿಕೆ ಮಾಡಿತ್ತು. 2ನೇ ವಾರ ಒಟ್ಟು 124.18 ಕೋಟಿ ಗಳಿಸಿದೆ. ಸದ್ಯ 650 ಕೋಟಿ ರೂ ಕ್ಲಬ್‌ ಸಿನಿಮಾಪಟ್ಟಿಯತ್ತ ಮುಖ ಮಾಡಿರುವ ಸಿನಿಮಾ ಇದೀಗ 640.18 ಕೋಟಿ ಕಲೆಕ್ಷನ್ ಮಾಡಿದೆ.

ಇನ್ನು ಜೈಲರ್‌ ಯಶಸ್ಸಿನ ಸಂಭ್ರಮದಲ್ಲಿರುವ ಜೈಲರ್‌ ಸಿನಿಮಾ ನಿರ್ಮಾಪಕ ತಂಡದ ಒಬ್ಬೊಬ್ಬರಿಗೆ ಉಡುಗೊರೆಗಳನ್ನು ನೀಡುತ್ತಿದ್ದಾರೆ. ಇದೀಗ ನಿರ್ದೇಶಕ ನೆಲ್ಸನ್ ದಿಲೀಪ್‌ಕುಮಾರ್ ಅವರ ಈ ಸಿನಿಮಾ ಮುಂದಿನ ದಿನಗಳಲ್ಲಿ ಇನ್ನು ಹೆಚ್ಚು ಗಳಿಸುವ ನಿರೀಕ್ಷೆಯನ್ನು ಹೆಚ್ಚಿಸಿದೆ.