Manasa Manohar: ಎರಡನೇ ಮದುವೆಗೆ ಸಜ್ಜಾದ 'ಜೊತೆ ಜೊತೆಯಲಿ' ಸೀರಿಯಲ್ 'ಮೀರಾ' ಹೇಳಿದ್ದೇನು ಗೊತ್ತಾ?

Actress Manasa Manohar: ಜೊತೆ ಜೊತೆಯಲಿ ಸೀರಿಯಲ್ ಮೂಲಕ 'ಮೀರಾ' ಎಂದೇ ಮನೆಮಾತಾಗಿರುವ ಕಿರುತೆರೆ ನಟಿ ಮಾನಸ ಮನೋಹರ್ ಎರಡನೇ ಮದುವೆಗೆ ಸಜ್ಜಾಗಿದ್ದಾರೆ. ಈ ಬಗ್ಗೆ ಸಾಮಾಜಿಕ ಜಾಲತಾನದ ಮೂಲಕ ಅವರು ತಮ್ಮ ಅಭಿಮಾನಿಗಳಿಗೆ ಗುಡ್ ನ್ಯೂಸ್ ನೀಡಿದ್ದಾರೆ.

Manasa Manohar: ಕನ್ನಡ ಕಿರುತೆರೆಯಲ್ಲಿ ಹೊಸ ಸಂಚಲನವನ್ನೇ ಸೃಷ್ಟಿಸಿದ್ದ 'ಜೊತೆ ಜೊತೆಯಲಿ' ಸೀರಿಯಲ್ ಸಾಹಸಸಿಂಹ ಡಾ ವಿಷ್ಣುವರ್ಧನ್ ಅವರ ಅಳಿಯ ಅನಿರುದ್ಧ್ ಅವರಿಗೆ ಆರ್ಯವರ್ಧನ್ ಪಾತ್ರ ಒಂದೊಳ್ಳೆ ಬ್ರೇಕ್ ನೀಡಿತ್ತು. ಅನು ಸಿರಿಮನೆ ಪಾತ್ರದಲ್ಲಿ ಮೊದಲ ಬಾರಿಗೆ ಬಣ್ಣ ಹಚ್ಚಿದ್ದ ನಟಿ ಮೇಘಾ ಶೆಟ್ಟಿ ಅವರಿಗೆ ಬೆಳ್ಳಿತೆರೆಗೆ ಉತ್ತಮ ಅವಕಾಶಗಳು ದೊರೆತವು. ಈ ಧಾರವಾಹಿಯಲ್ಲಿ ಖಡಕ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ, ಆರ್ಯವರ್ಧನ್ ರನ್ನು ಪ್ರೀತಿಸುತ್ತಿದ್ದ 'ಮೀರಾ' ಪಾತ್ರಧಾರಿಯ ಮಾನಸ ಮನೋಹರ್ ಕೂಡ ಕಿರುತೆರೆ ಪ್ರೇಕ್ಷಕರ ಮನಗೆದ್ದಿದ್ದರು. 

'ಜೊತೆ ಜೊತೆಯಲಿ' ಸೀರಿಯಲ್ ನಲ್ಲಿ ಆರ್ಯವರ್ಧನ್ ಗೆ ಬಲಗೈಯಂತಿದ್ದ ಇಡೀ ಕಂಪನಿಯ ಸಂಪೂರ್ಣ ಜವಾಬ್ದಾರಿಯನ್ನು ಅಚ್ಚುಕಟ್ಟಾಗಿ ನಿರ್ವಹಿಸುತ್ತಿದ್ದ ಮೀರಾ ಒಂದು ಕಂಪನಿಯಲ್ಲಿ ಉದ್ಯೋಗಿ ಹೇಗಿರಬೇಕು ಎಂಬುದಕ್ಕೆ ಉತ್ತಮ ನಿದರ್ಶನದಂತಿದ್ದರು. 

'ಜೊತೆ ಜೊತೆಯಲಿ' ಸೀರಿಯಲ್‌ನಲ್ಲಿ ಮೀರಾ ಆಗಿ ಕಾಣಿಸಿಕೊಂಡಿದ್ದ ಮಾನಸ ಮನೋಹರ್ ಸಿಕ್ಕಾಪಟ್ಟೆ ಫ್ಯಾನ್ಸ್ ಫಾಲೋವರ್ಸ್ ಹೊಂದಿದ್ದಾರೆ. ಅವರ ಸ್ಟೈಲ್, ಡ್ರೆಸ್ಸಿಂಗ್ ಸೆನ್ಸ್, ಸಿಂಪಲ್ ಮೇಕಪ್ ಗೆ ಪಡ್ಡೆ ಹೈಕಳು ಫಿದಾ ಆಗಿದ್ದರು. ಇದೀಗ ಮೀರಾ ತಮ್ಮ ಫ್ಯಾನ್ಸ್ ಜೊತೆಗೆ ವೈಯಕ್ತಿಕ ಜೀವನಕ್ಕೆ ಸಂಬಂಧಿಸಿದಂತೆ ಗುಡ್ ನ್ಯೂಸ್ ಒಂದನ್ನು ಹಂಚಿಕೊಂಡಿದ್ದಾರೆ. 

ಇದನ್ನೂ ಓದಿ- ತಾಯಿಯೊಂದಿಗೆ ಇಡೀ ರಾತ್ರಿ ರಸ್ತೆಯಲ್ಲಿ ಕಳೆದಿದ್ದ ಖ್ಯಾತ ನಟಿ..! ಕ್ರೇಜಿ ಕ್ವೀನ್ ನೋವಿನ ಕಹಾನಿ..! 

ಎಂಗೇಜ್ ಆದ ಮಾನಸ ಮನೋಹರ್: 
ಮಾನಸ ಮನೋಹರ್ ತಮ್ಮ ಎಂಗೆಜ್ಮೆಂಟ್ ಫೋಟೋಗಳನ್ನು ಶೇರ್ ಮಾಡುವ ಮೂಲಕ ಮತ್ತೊಮ್ಮೆ ಮದುವೆಯಾಗಲು ಸಜ್ಜಾಗಿರುವುದಾಗಿ ತಿಳಿಸಿದ್ದಾರೆ. ಮಾನಸ ಕೈ ಹಿಡಿಯಲಿರುವ ಭಾವೀ ಪತಿ ಫುಟ್ ಬಾಲ್ ಪ್ಲೇಯರ್ ಎಂದು ತಿಳಿದುಬಂದಿದೆ. ಅವರ ಹೆಸರು ಪ್ರೀತಂ ಚಂದ್ರ ಎಂದು ತಿಳಿದುಬಂದಿದೆ. 

ಇದನ್ನೂ ಓದಿ- ಸಲ್ಮಾನ್ ಖಾನ್ ಸಿನಿಮಾವನ್ನೇ ರಿಜೆಕ್ಟ್ ಮಾಡಿದ್ದ ಬ್ಯೂಟಿ, ಸದ್ಯ ಅತಿಹೆಚ್ಚು ಫಾಲೋವರ್ಸ್ ಹೊಂದಿರುವ ಸ್ಟಾರ್ ನಟಿ, ಈಕೆ ಯಾರ್ ಗೊತ್ತಾ! 

View this post on Instagram

A post shared by Mansa manohar (@itsme_mansamanohar)

ಎರಡನೇ ಮದುವೆ ಬಗ್ಗೆ ಮಾನಸ ಮನೋಹರ್ ಹೇಳಿದ್ದೇನು? 
ಅಂದಹಾಗೆ ನಟಿ ಮಾನಸ ಮನೋಹರ್ ಅವರಿಗೆ  ಇದು ಎರಡನೇ ಮದುವೆ. ಈ ಬಗ್ಗೆ ಕಾಮೆಂಟ್ ಮಾಡಿರುವ ಅಭಿಮಾನಿಗಳಿಗೆ ಪಾಸಿಟಿವ್ ಆಗಿಯೇ ಪ್ರತಿಕ್ರಿಯಿಸಿರುವ ಮಾನಸ, ಹೌದು, ಇದು ನನ್ನ ಎರಡನೇ ಮದುವೆ. ಜೀವನದಲಿ ಕೆಲವೊಮ್ಮೆ ದೈಹಿಕವಾಗಿ ಮದುವೆಯಾಗಿರುತ್ತೇವೆ. ಆದರೆ, ಭಾವನಾತ್ಮಕ ಸಂಬಂಧಗಳು ಇರುವುದಿಲ್ಲ. ಆದಾಗ್ಯೂ, ಕೂಡ ಎಲ್ಲರ ಒಳಿತಿಗಾಗಿ ಆ ಸಂಬಂಧವನ್ನು ಮುಂದುವರೆಸುತ್ತೇವೆ. ಆದರೀಗ ನಾನು ನನ್ನ ನಿಜವಾದ ಪ್ರೀತಿಯನ್ನು ಕಂಡುಕೊಂಡಿದ್ದೇನೆ. ನಾನು ಮತ್ತು ಪ್ರೀತಂ ಮದುವೆಯಾಗುತ್ತಿದ್ದೇವೆ. ಇದರಲ್ಲಿ ನನಗೆ ಯಾವುದೇ ಅಪರಾಧ ಎನಿಸುತ್ತಿಲ್ಲ. ಪ್ರತಿಯೊಬ್ಬರ ಪ್ರೀತಿ ಹಾಗೂ ಪ್ರಶ್ನೆಗಳಿಗೆ ಧನ್ಯವಾದಗಳು ಸಮಾಧಾನವಾಗಿಯೇ ನಟಿ ಪ್ರತಿಕ್ರಿಯಿಸಿದ್ದಾರೆ.