Toofan Video Song: ನಟ ಯಶ್ ಅಭಿನಯದ ಕೆಜಿಎಫ್ ಚಾಪ್ಟರ್ 2 ಸಿನಿಮಾ ಈಗಾಗಲೇ ತನ್ನ ತೆಕ್ಕೆಗೆ ಕೋಟ್ಯಾನುಕೋಟಿ ಹಣವನ್ನು ಹಾಕಿಕೊಂಡಿದೆ. ಒಂದಿಲ್ಲೊಂದು ದಾಖಲೆಗಳನ್ನು ಮಾಡುತ್ತಾ ಮುನ್ನುಗ್ಗುತ್ತಿರುವ ಸಿನಿಮಾ ಬಿಡುಗಡೆಯಾಗಿ ಒಂದು ತಿಂಗಳು ಕಳೆದರೂ ಕೆಜಿಎಫ್ ಚಾಪ್ಟರ್ 2 ಸಿನಿಮಾದ ಹವಾ ಸ್ವಲ್ಪವೂ ಕಡಿಮೆಯಾಗಿಲ್ಲ.
ಇದನ್ನೂ ಓದಿ: ಮೇ 20ರಿಂದ ಕ್ರೇಜಿಸ್ಟಾರ್‌ ಪುತ್ರನ ಸಿನಿಮಾ "ಪ್ರಾರಂಭ"..!
ಸ್ಯಾಂಡಲ್ ವುಡ್ ನಿಂದ ಹಿಡಿದು ಬಾಲಿವುಡ್ ವರೆಗೂ ಬಾಕ್ಸ್ ಆಫೀಸ್‌ನಲ್ಲಿ ಧೂಳೆಬ್ಬಿಸಿರುವ ನಟ ಯಶ್ ಅಭಿನಯದ ಕೆಜಿಎಫ್ ಚಾಪ್ಟರ್ 2 ಚಿತ್ರದ ತೂಫಾನ್ ಹಾಡಿನ ವಿಡಿಯೋ ಸಾಂಗ್‌ನ್ನು ಪ್ರಸಿದ್ಧ ನಿರ್ಮಾಣ ಸಂಸ್ಥೆಯಾದ ಹೊಂಬಾಳೆ ಫಿಲ್ಮ್ ಬಿಡುಗಡೆ ಮಾಡಿದೆ.
ಹೊಂಬಾಳೆ ಫಿಲ್ಸ್ಮ್, ತೂಫಾನ್ ವಿಡಿಯೋವನ್ನು ಕೂ ಮಾಡಿದ್ದು, ತೂಫಾನ್ ತೂಫಾನ್ ವಿಡಿಯೋ ಸಾಂಗ್ ಎಂಆರ್ ಟಿ ಯೂಟ್ಯೂಬ್ ಚಾನಲ್ ನಲ್ಲಿ ಬಿಡುಗಡೆಗೊಂಡಿದೆ. ಕೋಟಿ ಕೋಟಿಗಟ್ಟಲೇ ಹಣವನ್ನು ಬಾಚಿಕೊಳ್ಳುತ್ತಿರುವ ಈ ಸಿನಿಮಾದ ಹಾಡು ಸಿನಿಮಾದಲ್ಲಿ ನಿರೀಕ್ಷಿತ ಮಟ್ಟ ಮೀರಿ ಹಿಟ್ ಆಗಿತ್ತು.
ಪ್ರಶಾಂತ್ ನೀಲ್ ನಿರ್ದೇಶನದ, ಹೊಂಬಾಳೆ ಫಿಲ್ಮ್ಸ್ ಬ್ಯಾನರ್ ಅಡಿ ಮೂಡಿಬಂದ ಈ ಸಿನಿಮಾ ಇಡೀ ಪ್ರಪಂಚವೇ ಸ್ಯಾಂಡಲ್ ವುಡ್ ನತ್ತ ತಿರುಗಿ ನೋಡುವಂತೆ ಮಾಡಿದ್ದು ಸತ್ಯ. ಬಾಲಿವುಡ್ ರಾಮ್ ಗೋಪಾಲ್ ವರ್ಮಾ ದಿಂದ ಹಿಡಿದು, ತೆಲುಗು ಮಲಯಾಳಂ, ತಮಿಳು ಎಲ್ಲಾ ಭಾಷೆಗಳಲ್ಲಿ ಭರ್ಜರಿ ಗಳಿಕೆ ತಂದುಕೊಟ್ಟಿತು ಈ ಸಿನಿಮಾ.
ಇದನ್ನೂ ಓದಿ: Funny Wedding Video: ಮದುವೆ ವೇದಿಕೆಯಲ್ಲಿಯೇ ಒಬ್ಬರ ಮೇಲೊಬ್ಬರು ಕೋಪ ತೋರಿಸಿಕೊಂಡ ವಧು ವರ
ಇನ್ನು ಈ ನಡುವೆ ಈ ಸಿನಿಮಾದ ಸಂಗ್ರಹ ಮೊತ್ತ 1200 ಕೋಟಿ ರೂ ದಾಟಿದೆ ಎಂದು ಸಿನಿಮಾ ಸಂಗ್ರಹಕಾರ ರಮೇಶ್ ಬಾಲಾ ಟ್ವೀಟ್ ತಿಳಿಸಿದ್ದಾರೆ. 1200 ಕೋಟಿ ದಾಖಲೆ ದಾಟಿದ ಮೂರನೇ ಸಿನಿಮಾ ಎಂಬ ಹೆಗ್ಗಳಿಕೆಗೂ ಪಾತ್ರವಾಗಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
