Kiccha Sudeep: ವಿವಾದದ ಬೆನ್ನಲ್ಲೇ ಸುದೀಪ್ ಟ್ವೀಟ್.. ಸೈಲೆಂಟ್‌ ಆಗೇ ಖಡಕ್‌ ಉತ್ತರ ಕೊಟ್ಟ ಕಿಚ್ಚ.!

Kiccha Sudeep Tweet : ನಿರ್ಮಾಪಕ ಎಂ ಎನ್ ಕುಮಾರ್ ಆರೋಪದ ವಿಚಾರವಾಗಿ ಸುದೀಪ್‌ ಮಾತ್ರ ಮೌನ ಮುರಿದಿಲ್ಲ. ಆದರೆ ಸೈಲೆಂಟ್‌ ಆಗೇ ಸಂದೇಶವನ್ನು ರವಾನಿಸಿದಂತಿದೆ.

Kiccha Sudeep Tweet : ನಟ ಸುದೀಪ್ ಹಣ ಪಡೆದುಕೊಂಡು ಈಗ ಕೈಗೆ ಸಿಗುತ್ತಿಲ್ಲ. ನಮ್ಮ ಸಿನಿಮಾ ಮಾಡುತ್ತಿಲ್ಲ ಎಂದು ನಿರ್ಮಾಪಕ ಎಂ ಎನ್ ಕುಮಾರ್ ಆರೋಪಿಸಿದ್ದರು. ಆದರೆ ಈ ವಿಚಾರವಾಗಿ ಸುದೀಪ್‌ ಮಾತ್ರ ಮೌನ ಮುರಿದಿಲ್ಲ. ಈಗ ಟ್ವಿಟ್ಟರ್‌ನಲ್ಲಿ ಒಂದು ಪೋಸ್ಟ್‌ ಶೇರ್‌ ಮಾಡಿದ್ದು, ಇದು ಪರೋಕ್ಷವಾಗಿ ಈ ಘಟನೆಗೆ ಉತ್ತರ ನೀಡಿದಂತಿದೆ. 

"ಈ ಸಾಲನ್ನು ಓದಿ. ತುಂಬ ಚೆನ್ನಾಗಿದೆ" ಎಂದು ಶೀರ್ಷಿಕೆ ನೀಡಿ ಪೋಸ್ಟ್‌ ಒಂದು ಸುದೀಪ್‌ ಟ್ವೀಟ್‌ ಮಾಡಿದ್ದಾರೆ. "ದುರುಪಯೋಗಕ್ಕೆ ಅಥವಾ ವಂಚನೆ ಮಾಡಲು ನನ್ನ ಒಳ್ಳೆಯತನ ಸಾಧನವಲ್ಲ. ಸತ್ಯವಾಗಿದ್ದಾಗ ಮಾತ್ರ ಒಳ್ಳೆಯತನ ಪ್ರಜ್ವಲಿಸುತ್ತದೆ. ದುರಹಂಕಾರದಿಂದ ಅದರ ಕಾಂತಿ ಕುಂದುತ್ತದೆ. ಕಾಂತಿ ಕಳೆಗುಂದಲು ನಾನು ಬಿಡುವುದಿಲ್ಲ. ವಿನಯದಿಂದಿರಿ, ಸತ್ಯವಂತರಾಗಿರಿ" ಎಂದು ಬರೆದ ಪೋಸ್ಟ್‌ನ್ನು ಹಂಚಿಕೊಂಡಿದ್ದಾರೆ. 

ಇದನ್ನೂ ಓದಿ: "ಸುದೀಪ್‌ ಸಿನಿಮಾ ಮಾಡ್ತಿನಿ ಅಂತ ಹಣ ಪಡೆದು, ಈಗ ಕೈಗೆ ಸಿಕ್ತಿಲ್ಲ" : ನಿರ್ಮಾಪಕ ಕುಮಾರ್

Read this quote,,, a very good one.💕🤗#GoodnessUncompromised#k46 pic.twitter.com/cOIQ38q00L

— Kichcha Sudeepa (@KicchaSudeep) July 4, 2023

ಫಿಲ್ಮ್ ಚೇಂಬರ್‌ನಲ್ಲಿ ನಿನ್ನೆ ಸುದ್ದಿಗೋಷ್ಠಿ ನಡೆಸಿದ ನಿರ್ಮಾಪಕ ಎನ್.ಕುಮಾರ್, ನಾನು ಸುದೀಪ್ ಅವ್ರಿಗೆ ಹಲವಾರು ಸಿನಿಮಾ‌ ಮಾಡಿದ್ದೀನಿ. ಅವರ ಹಲವಾರು ಸಿನಿಮಾಗಳು ವಿತರಣೆ ಮಾಡಿದ್ದೀನಿ. ನಮ್ಮ ಅವರ ಬಾಂಧವ್ಯ ಚೆನ್ನಾಗಿತ್ತು. ಸುಮಾರು ಎಂಟು ವರ್ಷದಿಂದ ಒಂದು ಸಿನಿಮಾ ಮಾಡಬೇಕಿತ್ತು. ಇವತ್ತು ನಾಳೆ ಅಂತ ಹೇಳಿಕೊಂಡು ಬಂದಿದ್ದಾರೆ. ನಿಮ್ಮದೆ ನೇಕ್ಸ್ಟ್ ಅಂತ ಹೇಳ್ತಾರೆ ಅದ್ರೆ ಇಲ್ಲಿಯವರೆಗೂ ಮಾಡಿಲ್ಲ. ಸಖತ್ ಗೊಂದಲ ಮಾಡ್ತಿದ್ದಾರೆ. ಕೈಗೆ ಸಿಗ್ತಿಲ್ಲ ಎಂದು ಆರೋಪಿಸಿದ್ದರು.